ಆರ್.ಚಂದ್ರು ಒಡೆತನದ ಆರ್.ಸಿ ಸ್ಟುಡಿಯೋಸ್ ಏಕಕಾಲಕ್ಕೆ 5 ಬಹುನಿರೀಕ್ಷಿತ ಸಿನೆಮಾಗಳನ್ನು ಘೋಷಿಸುವ ಮೂಲಕ ಸಿನಿಪ್ರೇಕ್ಷಕರಲ್ಲಿ ಅತೀವ ಕುತೂಹಲ ಮೂಡಿಸಿದೆ.
ಕಬ್ಜಾ 2, ಫಾದರ್, ಡಾಗ್, ಪಿಒಕೆ ಮತ್ತು ಶ್ರೀರಾಮಬಾಣ ಚರಿತ – ಬ್ಲಾಕ್‌ಬಸ್ಟರ್ ಟೈಟಲ್‌ಗಳ ಮೂಲಕ ಸಿನಿಪ್ರಿಯರಿಗೆ ಹಿಂದೆಂದಿಗಿಂತಲೂ ಅದ್ಭುತ ಸಿನೆಮಾ ಅನುಭವವನ್ನು ನೀಡಲು ಸಜ್ಜಾಗಿದೆ.
ಮುಖ್ಯಮಂತ್ರಿ ಸಿದ್ದಾರಮಯ್ಯ ಮುಖ್ಯ ಅತಿಥಿಗಳಾಗಿ ಕಾರ್ಯಕ್ರಮಕ್ಕೆ ಆಗಮಿಸಿ, ಟೈಟಲ್ ಅನಾವರಣಗೊಳಿಸಿ ಶುಭಕೋರಿದರು. ನಟ ಉಪೇಂದ್ರ ಕೂಡ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು.
ಆರ್. ಚಂದ್ರು ಅವರ ಈ ಮಹತ್ತ್ವಾಕಾಂಕ್ಷೆಯ ಕನಸಿಗೆ ಖ್ಯಾತ ಉದ್ಯಮಿ ಆನಂದ್ ಪಂಡಿತ್ ಹಾಗೂ ಇನ್ವಿನಿಯೋ ಕಂಪನಿಯ ಅಲಂಕಾರ್ ಪಾಂಡಿಯನ್ ಮತ್ತಿತರು ಕೈಜೋಡಿಸಿದ್ದಾರೆ.
