ಭಯಂಕರವಾದ “ಬಘೀರ” ಚಿತ್ರದ ಟ್ರೇಲರ್: ಹೊಸ ಇತಿಹಾಸ ಬರೆಯಲು ಸಿದ್ಧರಾದ ಹೊಂಬಾಳೆ ಫಿಲಂಸ್..!

ಬೆಂಗಳೂರು: ಹೋಂಬಾಳೆ ಫಿಲಂಸ್ ನಿರ್ಮಾಣದ ಬಹು ನಿರೀಕ್ಷಿತ “ಬಘೀರ” ಚಿತ್ರದ ಟ್ರೇಲರ್ ಅದ್ಧೂರಿಯಾಗಿ ಬಿಡುಗಡೆ ಆಗಿದೆ. ಶ್ರೀಮುರಳಿ ನಾಯಕರಾಗಿ ಅಭಿನಯಿಸಿದ ಈ ಸಿನಿಮಾ ಅಕ್ಟೋಬರ್ 31 ರಂದು ತೆರೆ ಮೇಲೆ ಬರಲು ಸಜ್ಜಾಗಿದೆ. ಟ್ರೇಲರ್ ರಿಲೀಸ್ ಆಗುತ್ತಿದ್ದಂತೆಯೇ ಪ್ರೇಕ್ಷಕರಿಂದ ಮೆಚ್ಚುಗೆಯ ಮಹಾಪೂರ ಹರಿದು ಬರುತ್ತಿದ್ದು, ಹೋಂಬಾಳೆ ಫಿಲಂಸ್ ತಮ್ಮ ಮಾಸ್ ಎಂಟರ್‌ಟೈನರ್ ಫಾರ್ಮುಲಾದಲ್ಲಿ ಮತ್ತೊಂದು ಸೂಪರ್ ಹಿಟ್ ಸಿನಿಮಾ ತರುವ ನಿರೀಕ್ಷೆ ಮೂಡಿಸಿದೆ.

“ಬಘೀರ” – ಸೂಪರ್ ಹೀರೋ ಸಿನಿಮಾ:

ಡಾ||ಸೂರಿ ಅವರ ನಿರ್ದೇಶನದ ಈ ಸಿನಿಮಾ, “ಕೆ.ಜಿ.ಎಫ್” ಮತ್ತು “ಕಾಂತಾರ” ನಂತರ ಇನ್ನೂ ಒಂದು ಕ್ರಾಂತಿಯನ್ನು ಹುಟ್ಟುಹಾಕುವ ಛಲ ಹೊಂದಿದೆ. ನಿರ್ದೇಶಕ ಸೂರಿ ಹೇಳುವಂತೆ, “ಬಘೀರ ಎಂದರೆ ನೈಟ್ ಹಂಟರ್. ಈ ಚಿತ್ರದ ದೊಡ್ಡ ಭಾಗ ರಾತ್ರಿಯಲ್ಲೇ ನಡೆಯುತ್ತದೆ. ಈ ಸಿನಿಮಾದ ಕಥೆ ಕನ್ನಡದಲ್ಲಿ ಸಾಕಷ್ಟು ವಿಭಿನ್ನವಾಗಿದೆ.”

ಶ್ರೀಮುರಳಿ – ಸೂಪರ್ ಹೀರೋ ಅವತಾರ:

ಶ್ರೀಮುರಳಿ ಅವರನ್ನು ಹೊಸ ಪಾತ್ರದಲ್ಲಿ ನೋಡಲು ಅಭಿಮಾನಿಗಳು ಕಾದು ಕುಳಿತಿದ್ದಾರೆ. “ನಾನು ‘ಸೂಪರ್ ಹೀರೋ’ ರೂಪದಲ್ಲಿ ಈ ಚಿತ್ರದಲ್ಲಿ ಕಾಣಿಸುತ್ತೇನೆ. ಟ್ರೇಲರ್‌ನಿಂದಲೇ ಚಿತ್ರದ ನಿರೀಕ್ಷೆ ಎಷ್ಟೋ ಎತ್ತರಕ್ಕೇರಿದೆ” ಎಂದಿದ್ದಾರೆ ಶ್ರೀಮುರಳಿ.

ಮುಖ್ಯ ಪಾತ್ರಗಳಲ್ಲಿ ರುಕ್ಮಿಣಿ ವಸಂತ್, ಸುಧಾರಾಣಿ:

ರುಕ್ಮಿಣಿ ವಸಂತ್ ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಸಿನಿಮಾದಲ್ಲಿ ಅವರ ಪಾತ್ರದ ಬಗ್ಗೆ ಕುತೂಹಲ ಹೆಚ್ಚಿಸುತ್ತಿದೆ. ನಟಿ ಸುಧಾರಾಣಿ, “ಬಘೀರ”ನ ತಾಯಿಯಾಗಿ ಅಭಿನಯಿಸುತ್ತಿದ್ದು, ಚಿತ್ರಕ್ಕೆ ಭಾವನಾತ್ಮಕ ಬಲ ನೀಡುವ ಪ್ರಮುಖ ಪಾತ್ರದಲ್ಲಿದ್ದಾರೆ.

ಸಿನಿಮಾ ಮೆರುಗನ್ನು ಹೆಚ್ಚಿಸಿದ ಅಜನೀಶ್ ಲೋಕನಾಥ್ ಅವರ ಸಂಗೀತ:

ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಅವರಿಂದ “ಬಘೀರ” ಚಿತ್ರದ ಮ್ಯೂಸಿಕ್ ಡಿಫರೆಂಟ್ ಆಗಿರಲಿದೆ ಎಂದು ಸ್ವತಃ ಅವರೇ ಹೇಳಿದ್ದಾರೆ. ಟ್ರೇಲರ್‌ನಲ್ಲಿಯೇ ಅವರ ಸಂಗೀತ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ.

ಬಿಡುಗಡೆಯತ್ತ “ಬಘೀರ”:

ಮೂರು ವರ್ಷಗಳ ಶ್ರಮದ ಫಲವಾಗಿ ಮೂಡಿಬಂದ ಈ ಸಿನಿಮಾ ಅಕ್ಟೋಬರ್ 31ರಂದು ತೆರೆಗೆ ಬರುತ್ತಿದ್ದು, ಈ ಚಿತ್ರ “ಕೆ.ಜಿ.ಎಫ್” ನಿರ್ಮಾತೃರಾದ ಹೋಂಬಾಳೆ ಫಿಲಂಸ್ ಗೆ ಮತ್ತೊಂದು ಯಶಸ್ಸು ತರುವ ಭರವಸೆ ಮೂಡಿಸಿದೆ.