“ತಮಟೆ” ಚಿತ್ರದ ಟೀಸರ್ ಬಿಡುಗಡೆ: ವಾದ್ಯಗಾರರ ನಿಜ ಜೀವನವನ್ನು ಪರದೆಯ ಮೇಲೆ ನೋಡಲು ಮರೆಯದಿರಿ..!

ಬೆಂಗಳೂರು: ಕಾದಂಬರಿ ಮತ್ತು ಚಿತ್ರೋತ್ಸವಗಳಲ್ಲಿ ಪ್ರಶಂಸೆ ಪಡೆದ “ತಮಟೆ” ಈಗ ಕನ್ನಡ ಚಿತ್ರರಂಗದಲ್ಲಿ ಹೊಸ ಸದ್ದು ಮೂಡಿಸಲು ಸಜ್ಜಾಗಿದೆ. ಮಲ್ಲೇಪುರಂ ಜಿ ವೆಂಕಟೇಶ್ ಅವರಿಂದ ಈ ಚಿತ್ರದ ಟೀಸರ್ ಹಾಗೂ ಹಾಡು ಬಿಡುಗಡೆಯಾದ ಹಿನ್ನೆಲೆಯಲ್ಲಿ, ಸಿನಿಪ್ರಿಯರಲ್ಲಿ ಕುತೂಹಲ ಹೆಚ್ಚಾಗಿದೆ.

ಮದನ್ ಪಟೇಲ್ ನಾಯಕ:
ಮದನ್ ಪಟೇಲ್ ಅವರ ಅತ್ಯುತ್ತಮ ನಟನೆಯು ಈ ಚಿತ್ರದ ವಿಶೇಷವಾಗಿದೆ. “ತಮಟೆ” ಕೇವಲ ವಾದ್ಯಗಾರರ ಕಥೆಯಾಗಿರದೆ, ಸಮಾಜಕ್ಕೆ ಪ್ರಬಲ ಸಂದೇಶ ನೀಡುವ ಪ್ರಯತ್ನವಾಗಿದೆ.

ಮಯೂರ್ ಪಟೇಲ್‌ ಚೊಚ್ಚಲ ನಿರ್ದೇಶನ:
ಮಯೂರ್ ಪಟೇಲ್ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರ, ಈಗಾಗಲೇ ಹಲವು ಚಿತ್ರೋತ್ಸವಗಳಲ್ಲಿ ಪ್ರಶಂಸೆ ಪಡೆದುಕೊಂಡಿದೆ. ತೇಜಸ್ವಿನಿ ಮುಂತಾದ ಕಲಾವಿದರ ಪಾತ್ರಗಳು ಕೂಡ ಗಮನ ಸೆಳೆಯುತ್ತವೆ.

ನವೆಂಬರ್ 29ರಂದು ಬಿಡುಗಡೆ:
ರಾಜ್ಯಾದ್ಯಂತ ನವೆಂಬರ್ 29, 2024ರಂದು ತೆರೆಗೆ ಬರಲಿರುವ ಈ ಸಿನಿಮಾ, ಪ್ರೇಕ್ಷಕರಲ್ಲಿ ಹೆಚ್ಚಿನ ನಿರೀಕ್ಷೆ ಹುಟ್ಟಿಸಿದೆ.