ಪ್ರಯಾಗ್‌ರಾಜ್: 27 ವರ್ಷಗಳ ಹಿಂದೆ ನಾಪತ್ತೆಯಾಗಿದ್ದ ವ್ಯಕ್ತಿಯೊಬ್ಬರು ಈಗ ಅಘೋರಿ ಸನ್ಯಾಸಿಯಾಗಿ ಪತ್ತೆಯಾಗಿದ್ದಾರೆ! ಆದರೆ, ತವರು ಮನೆಯವರು ಅವರನ್ನು ತಮ್ಮ ತಂದೆ ಎಂದು ಒಪ್ಪಿಸಿಕೊಂಡರೂ, ಅವರು ತಮ್ಮ ಹಳೆಯ ಜೀವನವನ್ನು ಸಂಪೂರ್ಣವಾಗಿ ತಳ್ಳಿಹಾಕಿದ್ದಾರೆ!
ಈಗ ಅವರು ಯಾರು?
1998ರಲ್ಲಿ ಜಾರ್ಖಂಡ್‌ನ ಗಂಗಾಸಾಗರ್ ಯಾದವ್ ಪಟ್ನಾಗೆ ತೆರಳಿದ ಬಳಿಕ ನಾಪತ್ತೆಯಾಗಿದ್ದರು. ಇದಾದ ನಂತರ ಅವರ ಪತ್ನಿ ಧನ್ವಾ ದೇವಿ ಇಬ್ಬರು ಮಕ್ಕಳನ್ನು ಲಾಲನೆ-ಪೋಷಣೆ ಮಾಡಿ ಬದುಕಿದರು. ಆದರೆ ಕುಂಭಮೇಳದಲ್ಲಿ ‘ಬಾಬಾ ರಾಜ್‌ಕುಮಾರ್’ ಎಂಬ ಅಘೋರಿ ಸನ್ಯಾಸಿಯಾಗಿ ಅವರು ಪತ್ತೆಯಾಗಿದ್ದಾರೆ!
ಕುಟುಂಬದ ಆರೋಪ, ಸನ್ಯಾಸಿಯ ನಿರಾಕರಣೆ!
ಗಂಗಾಸಾಗರ್ ಅವರ ತಮ್ಮ ಮುರಳಿ ಯಾದವ್ ಹೇಳುವಂತೆ, ಕುಂಭಮೇಳಕ್ಕೆ ಹೋದ ಸಂಬಂಧಿಕರು ‘ಬಾಬಾ ರಾಜ್‌ಕುಮಾರ್’ ಎಂಬ ಸನ್ಯಾಸಿಯು ಅವರ ತಮ್ಮನಂತೆಯೇ ಇದ್ದಾರೆ ಎಂದು ಶಂಕಿಸಿ ಫೋಟೋ ಕಳಿಸಿದರು. ಕುಟುಂಸ್ಥರು ತಕ್ಷಣ ಪ್ರಯಾಗ್‌ರಾಜ್‌ಗೆ ದೌಡಾಯಿಸಿದರು. ಆದರೆ ಶಾಕ್!
ಬಾಬಾ ರಾಜ್‌ಕುಮಾರ್ ಯಾವುದೇ ಕುಟುಂಬದ ಸಂಬಂಧವಿಲ್ಲ ಎಂದು ಹೇಳಿದ್ದು, ತಾನು ವಾರಾಣಸಿಯಿಂದ ಬಂದ ಸನ್ಯಾಸಿ ಎಂದು, ಕುಟುಂಬದ ಅನುಮಾನವನ್ನು ತಳ್ಳಿಹಾಕಿದ್ದಾರೆ!
ಆದರೆ ಕುಟುಂಬದವರು ಸನ್ಯಾಸಿಯನ್ನು ಗಂಗಾಸಾಗರ್ ಯಾದವ್ ಎಂದು ಎಷ್ಟು ಬಲವಾಗಿ ಒತ್ತಾಯಿಸಿದರೂ, ಸನ್ಯಾಸಿಯು ತಿರಸ್ಕರಿಸುತ್ತಿದ್ದಾರೆ!
DNA ಪರೀಕ್ಷೆಗೆ ಆಗ್ರಹ!
ಕುಟುಂಬದವರು ಸತ್ಯಾಂಶ ಬಹಿರಂಗವಾಗಲೇಬೇಕು ಎಂದು DNA ಪರೀಕ್ಷೆಗೆ ಒತ್ತಾಯಿಸುತ್ತಿದ್ದಾರೆ!
“ಕುಂಭಮೇಳ ಮುಗಿದ ನಂತರ ನಾವು DNA ಪರೀಕ್ಷೆ ನಡೆಸುತ್ತೇವೆ. ಅವರು ನಮ್ಮ ತಮ್ಮನಾಗಿದ್ದರೆ, ನಾವು ಮನೆಗೆ ಕರೆದುಕೊಂಡು ಹೋಗುತ್ತೇವೆ. ಇಲ್ಲವಾದರೆ, ಕ್ಷಮೆ ಕೇಳುತ್ತೇವೆ” ಎಂದು ಮುರಳಿ ಯಾದವ್ ಹೇಳಿದ್ದಾರೆ.
ಸದ್ಯಕ್ಕೆ ಕುಟುಂಬದ ಕೆಲವರು ಮೇಳದಿಂದ ಹಿಂದಿರುಗಿದರೂ, ಉಳಿದವರು ಬಾಬಾ ರಾಜ್‌ಕುಮಾರ್ ಮತ್ತು ಅವರ ಸಹಚರ ಸನ್ಯಾಸಿನಿಗಳ ಮೇಲೆ ನಿಗಾ ವಹಿಸುತ್ತಿದ್ದಾರೆ. DNA ಪರೀಕ್ಷೆಯ ಫಲಿತಾಂಶ ಸತ್ಯಾಂಶ ಬಹಿರಂಗ ಪಡಿಸಬಹುದಾ? ಈ ಸನ್ಯಾಸಿಯು ನಿಜವಾಗಿಯೂ ಯಾರು?
