ತಿರುವನಂತಪುರಂ: ಭಾರತದ 78ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ, ಮಕ್ಕಳ ಗುಂಪು ಮತ್ತು ಅವರ ಪಾಲಕರು ರಾಷ್ಟ್ರಧ್ವಜವನ್ನು ಹಾರಿಸಲು ಮುಂದಾಗಿದ್ದಾರೆ. ಆದರೆ, ಧ್ವಜವು ಕಂಬದ ತುದಿಗೆ ಸಿಕ್ಕಿಹಾಕಿಕೊಳ್ಳುತ್ತದೆ.
ಇದೇ ಸಮಯದಲ್ಲಿ, ಆಕಸ್ಮಿಕವಾಗಿ ಒಂದು ಹಕ್ಕಿ ಆಕಾಶದಿಂದ ಬಂದು, ತ್ರಿವರ್ಣ ಧ್ವಜವನ್ನು ಹಾರಿಸಿ, ಮತ್ತೆ ಹಾರಿಹೋಗುತ್ತದೆ. ಈ ದೃಶ್ಯವನ್ನು ನೋಡಿ ಅಚ್ಚರಿಗೊಂಡ ಮಕ್ಕಳು ರಾಷ್ಟ್ರಗೀತೆ ಹಾಡಿ ಕೇಕೆ ಹೊಡೆದರು. ಈ ಹೃದಯಸ್ಪರ್ಶಿ ಘಟನೆಯ ವಿಡಿಯೋವನ್ನು ಎಕ್ಸ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಲಾಗಿದೆ.
ವೈರಲ್ ವಿಡಿಯೋ: ನೆಟ್ಟಿಗರು ಹೇಳಿದ್ದೇನು?
ಹಾಗೆಯೇ, ಈ ದೃಶ್ಯವನ್ನು ನೆಟ್ಟಿಗರು “ಮಾಜಿಕಲ್” ಎಂದೂ, “ದೇವರ ಆಟ” ಎಂದೂ ಕರೆದಿದ್ದಾರೆ. “ಅದು ಸ್ವರ್ಗದಿಂದ ಬಂದಂತೆ ತೋರುತ್ತದೆ, ಹಕ್ಕಿಯು ದೇಶಭಕ್ತ ಯೋಧನ ಪುನರ್ಜನ್ಮವಾಗಿದೆ” ಎಂಬ ಅಭಿಪ್ರಾಯವನ್ನೂ ಹಂಚಿಕೊಂಡಿದ್ದಾರೆ.
ಆದರೆ, ಕೆಲವರು ಇದರ ಹಿಂದೆ ಇರುವ ವೈಜ್ಞಾನಿಕ ನೋಟವನ್ನು ಹಂಚಿಕೊಂಡು, “ಹಕ್ಕಿಯು ಒಂದು ಕೊಂಬೆಯ ಮೇಲೆ ಕುಳಿತುಕೊಳ್ಳಲು ಬಂದಿದ್ದು, ಆಧುನಿಕ ಕ್ಯಾಮೆರಾ ಎಂಗಲ್‌ನಿಂದ ಧ್ವಜ ಹಾರಿಸಿದಂತೆ ತೋರುತ್ತದೆ,” ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ನಿಜಕ್ಕೂ ಆಶ್ಚರ್ಯ ಮೂಡಿಸಿದೆ.
