ಮದುವೆ ಆಮಂತ್ರಣ ಪತ್ರಿಕೆ ಹೆಸರಲ್ಲಿ ಸೈಬರ್ ಕ್ರೈಂ: ವಾಟ್ಸಪ್ ಮೂಲಕ ಜಾಲ ಬೀಸುವ ಖತರ್ನಾಕ್ ಗ್ಯಾಂಗ್‌ನಿಂದ ಎಚ್ಚರವಾಗಿರಿ..!
ಬೆಂಗಳೂರು: ಹೊಸ ತಂತ್ರದಿಂದ ಸೈಬರ್ ಅಪರಾಧಿಗಳಿಗೆ ಮತ್ತೊಂದು ಮಾರ್ಗ ಸಿಕ್ಕಿದೆ! ಡಿಜಿಟಲ್ ವೈವಾಹಿಕ ಆಮಂತ್ರಣವನ್ನು ಬಳಸಿಕೊಂಡು ಫೋನ್ ಹ್ಯಾಕ್ ಮಾಡುವ ಹೊಸ ಕೌಶಲ್ಯ ಇದೀಗ ಸಾರ್ವಜನಿಕರ ವೈಯಕ್ತಿಕ ಮಾಹಿತಿಯನ್ನು ಅಪಾಯಕ್ಕೆ ಒಳಪಡಿಸುತ್ತಿದೆ. ಒಂದು ಸಾಮಾನ್ಯವಾದ ಮದುವೆ ಆಮಂತ್ರಣವೆಂದು ನಿಮ್ಮ ವಾಟ್ಸಾಪ್‌ ಮೂಲಕ ಕಳುಹಿಸೋ ಈ ಸಂದೇಶಗಳು, ಖಾತರಿಯಿಲ್ಲದ APK ಫೈಲ್ ಆಗಿದ್ದು, ಅದನ್ನು ಡೌನ್‌ಲೋಡ್ ಮಾಡಿದರೆ ನಿಮ್ಮ ಫೋನ್‌ನಲ್ಲಿ ವೈಯಕ್ತಿಕ ಮಾಹಿತಿಗೆ ದಾರಿ ನೀಡುತ್ತದೆ.
ಈ ವಂಚನೆ ಹೇಗೆ ನಡೆಯುತ್ತದೆ?
ವಂಚನೆ ಪ್ರಕ್ರಿಯೆ ಪ್ರಾರಂಭವಾಗುವುದು ನೂರುಮೂವತ್ತು ಅಕ್ಷರದಿಂದ ಕೂಡಿದ ವಾಟ್ಸಾಪ್‌ ಸಂದೇಶ ಬಂದಾಗ. ಅಲ್ಲಿ “ನಿಮಗೆ ನಮ್ಮ ಮದುವೆಗೆ ಆಹ್ವಾನ” ಎಂದು ಹೇಳಿ ಒಂದು ಡೌನ್‌ಲೋಡ್ ಲಿಂಕ್ ನೀಡಲಾಗುತ್ತದೆ. ಆದರೆ ಈ ಲಿಂಕ್ ಅನ್ನು ಓಪನ್ ಮಾಡಿದರೆ APK ಫೈಲ್‌ಗಳಾಗಿ ನಿಮ್ಮ ಫೋನ್‌ನಲ್ಲಿನ ಮಾಹಿತಿಗಳನ್ನು ವಂಚಕರು ಸೆಳೆಯುತ್ತಾರೆ. ತಕ್ಷಣವೇ ಈ ಫೈಲ್‌ಗಳು ಸಕ್ರಿಯವಾಗುತ್ತವೆ ಮತ್ತು ಹ್ಯಾಕರ್‌ಗಳಿಗೆ ಸಂಪೂರ್ಣ ಪ್ರವೇಶವನ್ನು ಒದಗಿಸುತ್ತವೆ.
ನಿಮ್ಮ ಭದ್ರತೆಗೆ ಹಕ್ಕು!
ಹಿಮಾಚಲ ಪ್ರದೇಶದ ಸೈಬರ್ ಪೊಲೀಸ್ ಅಧಿಕಾರಿಗಳು “ಯಾವುದೇ ಅನಾಮಿಕ ಸಂಖ್ಯೆಯಿಂದ ಬಂದ ಡೌನ್‌ಲೋಡ್ ಲಿಂಕ್‌ಗಳನ್ನು ಓಪನ್ ಮಾಡುವ ಮುನ್ನ ಪರಿಶೀಲಿಸಿ” ಎಂದು ಸೂಚಿಸಿದ್ದಾರೆ. “ಯಾವುದೇ ಆಮಂತ್ರಣ ಅಥವಾ ಫೈಲ್‌ಗಳನ್ನು ನಂಬದಿರಿ, ಕೊನೆಯವರೆಗೂ ದೃಢೀಕರಿಸಿ ಮಾತ್ರ ಓಪನ್ ಮಾಡಿ” ಎಂದು ಹಿರಿಯ ಪೊಲೀಸ್ ಅಧಿಕಾರಿ ಮೋಹಿತ್ ಚಾವ್ಲಾ ಎಚ್ಚರಿಸಿದ್ದಾರೆ.
ಸೈಬರ್ ವಂಚನೆಗೆ ಬಲಿಯಾದವರು ಏನು ಮಾಡಬೇಕು?
ನೀವು ಈ ರೀತಿಯ ವಂಚನೆಯ ಬಲೆಗೆ ಬಿದ್ದರೆ 1930 ಗೆ ಕರೆ ಮಾಡಿ ಅಥವಾ https://cybercrime.gov.in ನಲ್ಲಿ ನಿಮ್ಮ ದೂರು ದಾಖಲಿಸಿ.
