ವಯನಾಡ್: ಕೇರಳದ ಭೂಕುಸಿತದಿಂದ ಧ್ವಂಸಗೊಂಡ ವಯನಾಡ್‌ನಲ್ಲಿ ಬದುಕುಳಿಯುವ ಮತ್ತು ಸಹಾನುಭೂತಿಯ ಹೃದಯಸ್ಪರ್ಶಿ ಕಥೆ ಈಗ ಕೇಳಿಬಂದಿದೆ, ವಯನಾಡ್ ಸಮೀಪದ ಚೂರಮಲಾದಲ್ಲಿ ಆನೆಯೊಂದು ಅಜ್ಜಿ ಮತ್ತು ಮೊಮ್ಮಗಳಿಗೆ ಕಾವಲಾಗಿ ನಿಂತು ಅವರನ್ನು ಹಾನಿಯಿಂದ ರಕ್ಷಿಸಿದೆ.
ವಿನಾಶ ಮತ್ತು ದುರಂತದ ಮಧ್ಯೆ, ಕೇರಳದ ಭೂಕುಸಿತ ಪೀಡಿತ ವಯನಾಡಿನಿಂದ ಭರವಸೆ ಮತ್ತು ದಯೆಯ ಗಮನಾರ್ಹ ಕಥೆ ಹೊರಹೊಮ್ಮಿದೆ. ಸುಜಾತಾ ಮತ್ತು ಅವಳ ಚಿಕ್ಕ ಮೊಮ್ಮಗಳು ಮೃದುಲಾ ತಮ್ಮ ಜೀವನವನ್ನು ಅನಿರೀಕ್ಷಿತವಾಗಿ ರಕ್ಷಿಸಿದ ಒಂದು ಕಾಡಾನೆಗೆ ಋಣಿಯಾಗಿದ್ದಾರೆ. ಭೋರ್ಗರೆವ ಪ್ರವಾಹದ ಆ ಒಂದು ಭಯಾನಕ ರಾತ್ರಿಯ ಉದ್ದಕ್ಕೂ ಅವರ ಮೇಲೆ ಕಾವಲು ಕಾಯುತ್ತಿದ್ದದ್ದು ಆ ಆನೆ.
ಅತಿಯಾದ ಮಳೆ ಹಾಗೂ ಪ್ರವಾಹಕ್ಕೆ ತುತ್ತಾಗಿ ಅವರು ತಮ್ಮ ಕುಸಿದ ಮನೆಯ ಅವಶೇಷಗಳಿಂದ ಪಾರಾಗುತ್ತಿದ್ದಂತೆ, ಈ ಇಬ್ಬರೂ ಅಜ್ಜಿ ಮತ್ತು ಮೊಮ್ಮಗಳ ಮುಂದೆ ಮೂರು ಬೃಹತ್ ಆನೆಗಳ ರೂಪದಲ್ಲಿ ಹೊಸ ಬೆದರಿಕೆಯು ಎದುರಾಯಿತು. ಆದರೆ ಆಶ್ಚರ್ಯಕರ ಘಟನೆಯಂತೆ, ಆ ಆನೆಗಳಲ್ಲೊಂದು ಆನೆ ಕರುಣೆಯನ್ನು ತೋರಿಸಿತು, ರಕ್ಷಣಾ ಕಾರ್ಯಾಚರಣೆಯ ಸಿಬ್ಬಂದಿಗಳು ಆ ಸ್ಥಳಕ್ಕೆ ಬರುವವರೆಗೂ ಅವುಗಳು ಈ ಅಜ್ಜಿ ಮತ್ತು ಮೊಮ್ಮಗಳನ್ನು ಕಾಯುತ್ತಿದ್ದವು.
ಸಹಾನುಭೂತಿ ಮತ್ತು ನಿಷ್ಕಲ್ಮಶ ಪ್ರಾಣಿ ಮನಸ್ಸಿನ ಈ ಅಸಾಮಾನ್ಯ ಕಥೆಯು ಭೂಕುಸಿತದಿಂದ ಧ್ವಂಸಗೊಂಡ ಪ್ರದೇಶಕ್ಕೆ ಸಾಂತ್ವನವನ್ನು ತಂದಿದೆ. ಸುಜಾತಾ ಅವರ ಕುಟುಂಬದವರು ಗಾಯಗೊಂಡಿದ್ದರೂ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಆನೆಯ ನಿಸ್ವಾರ್ಥದಿಂದ ಕೂಡಿದ ರಕ್ಷಣೆಯು, ಮಾನವನ ಜೊತೆಗಿನ ಎಲ್ಲಾ ಜೀವಿಗಳ ನಿಷ್ಕಳಂಕ ಪ್ರೀತಿಯನ್ನು ಮತ್ತು ಪ್ರತಿಕೂಲತೆಯ ಸಂದರ್ಭದಲ್ಲಿ ದಯೆಯ ಶಕ್ತಿಯನ್ನು ನೆನಪಿಸುತ್ತದೆ. ಕೇರಳವು ಪುನರ್ನಿರ್ಮಾಣ ಮತ್ತು ಚೇತರಿಸಿಕೊಳ್ಳುತ್ತಿದ್ದಂತೆ, ಈ ಕಥೆಯು ಪೀಡಿತರ ಹೃದಯದಲ್ಲಿ ಭರವಸೆಯ ದಾರಿದೀಪವಾಗಲಿದೆ.
