
ಬೆಂಗಳೂರು: ಸೂಕ್ಷ್ಮ ಹಣಕಾಸು ಸಂಸ್ಥೆಗಳ (Microfinance Institutions – MFIs) ದೌರ್ಜನ್ಯ ನಿಯಂತ್ರಣಕ್ಕೆ ರಾಜ್ಯ ಸರ್ಕಾರ ಹೊಸ ಕಾನೂನನ್ನು ತರಲು ನಿರ್ಧರಿಸಿದೆ. ಈ ಕುರಿತಂತೆ ಆರ್ಡಿನೆನ್ಸ್ ರಾಜ್ಯಪಾಲರ ಅನುಮೋದನೆಗೆ ಕಳುಹಿಸಲಾಗಿದ್ದು, ಇಂದು ಒಪ್ಪಿಗೆ ಸಿಗುವ ಸಾಧ್ಯತೆ ಇದೆ.
ಕಾನೂನಿನಲ್ಲಿ ಮಹತ್ವದ ತಿದ್ದುಪಡಿ – ಕಠಿಣ ಶಿಕ್ಷೆ!
ಗೃಹ ಸಚಿವ ಜಿ. ಪರಮೇಶ್ವರ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಇನ್ನು ಮುಂದೆ MFIs ನಿಯಮ ಉಲ್ಲಂಘಿಸಿದರೆ 10 ವರ್ಷ ಜೈಲು ಶಿಕ್ಷೆ ಮತ್ತು ₹10 ಲಕ್ಷದ ದಂಡ ವಿಧಿಸಲಾಗುತ್ತದೆ. ಕಾನೂನು ಶಕ್ತಿಶಾಲಿಯಾಗದೇ ಹೋದರೆ, ಈ ದೌರ್ಜನ್ಯ ನಿಲ್ಲುವುದಿಲ್ಲ” ಎಂದು ತಿಳಿಸಿದ್ದಾರೆ.
ನೂತನ ಕಾನೂನಿನ ಪ್ರಮುಖ ಅಂಶಗಳು
- ಸೂಕ್ಷ್ಮ ಹಣಕಾಸು ಸಂಸ್ಥೆಗಳ ಲೈಸೆನ್ಸ್ಗಳನ್ನು ಸರ್ಕಾರ ರದ್ದು ಮಾಡಬಹುದು
- ಬಡ್ಡಿದರದಲ್ಲಿ ಪಾರದರ್ಶಕತೆ ಕಡ್ಡಾಯ
- ಕಾನೂನು ಜಾರಿಯಾದ 30 ದಿನಗಳೊಳಗೆ MFIs ನೊಂದಾವಣೆ ಮಾಡಿಕೊಳ್ಳಬೇಕು
ಗ್ರಾಹಕರಿಗಾಗಿ ಸರ್ಕಾರದ ಹೊಸ ಗುರಿ
ಸೂಕ್ಷ್ಮ ಹಣಕಾಸು ಸಂಸ್ಥೆಗಳ ಅತಿಯಾದ ಬಡ್ಡಿದರ, ಅನ್ಯಾಯದ ಬಲವಂತದ ವಸೂಲಿ ತಡೆಗಟ್ಟಲು ಈ ಕಠಿಣ ಕಾನೂನು ಜಾರಿಗೆ ತರಲಾಗುತ್ತಿದೆ.