ಹೈಟೆಕ್ ಬೆಂಗಳೂರು: ಡಬಲ್-ಡೆಕ್ಕರ್ ಫ್ಲೈಓವರ್ ನಿರ್ಮಾಣಕ್ಕೆ ಸಿಕ್ತು ₹9,500 ಕೋಟಿ ಅನುದಾನ!
ಬೆಂಗಳೂರು: ಬೆಂಗಳೂರು ನಗರದ ಟ್ರ್ಯಾಫಿಕ್ ಸಮಸ್ಯೆಗೆ ಬೃಹತ್ ಪರಿಹಾರ! ರಾಜ್ಯದ ಬಜೆಟ್‌ಗೆ ಮುಂಬರುವ ಹಿನ್ನೆಲೆಯಲ್ಲಿ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (BDA), BBMP, BWSSB ಮತ್ತು ನಮ್ಮ ಮೆಟ್ರೋ ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ₹9,500 ಕೋಟಿ ಮೊತ್ತವನ್ನು ಡಬಲ್-ಡೆಕ್ಕರ್ ಫ್ಲೈಓವರ್ ನಿರ್ಮಾಣಕ್ಕೆ ಮೀಸಲಿಡಲು ತೀರ್ಮಾನಿಸಿದ್ದಾರೆ!
ಟ್ರ್ಯಾಫಿಕ್ ಜಾಮ್‌ಗೆ ಅಂತ್ಯ ಬರಲಿದೆ?
ಬೆಂಗಳೂರು ದೇಹಲಿಯಂತೆ ಡಬಲ್-ಡೆಕ್ಕರ್ ಫ್ಲೈಓವರ್‌ಗಳನ್ನು ಹೊಂದಲಿದ್ದು, ಇದರಿಂದ ಪ್ರಮುಖ ರಸ್ತೆಗಳಲ್ಲಿ ಟ್ರಾಫಿಕ್ ಸಮಸ್ಯೆ ತಗ್ಗಲಿದೆ. ಬೆಂಗಳೂರು ದಿನದಿಂದ ದಿನಕ್ಕೆ ವೇಗವಾಗಿ ಬೆಳೆಯುತ್ತಿರುವುದರಿಂದ, ಹೊಸ ಪರಿಹಾರಗಳ ಅವಶ್ಯಕತೆಯಿದೆ ಎಂದು ಡಿ.ಕೆ. ಶಿವಕುಮಾರ್ ಹೇಳಿದ್ದಾರೆ.
ನಾಳೆ ಸಿಎಂ ಸಿದ್ದರಾಮಯ್ಯ ಮುಂದೆ ಪ್ರಸ್ತಾವನೆ!
“ನಾಳೆ ನಾನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಈ ಪ್ರಸ್ತಾವನೆ ತಿಳಿಸಿ, ಬಜೆಟ್‌ನಲ್ಲಿ ಇದಕ್ಕಾಗಿ ಭಾರಿ ಅನುದಾನ ನೀಡುವಂತೆ ಮನವಿ ಮಾಡುತ್ತೇನೆ” ಎಂದು ಡಿಕೆಶಿ ಹೇಳಿದ್ದಾರೆ.
ಪ್ರಯಾಣಿಕರಿಗೆ ಇದರಿಂದ ಏನು ಲಾಭ?
- ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಸಂಚಾರ ವೇಗ ಹೆಚ್ಚಳ
- ಟ್ರಾಫಿಕ್ ಸಮಸ್ಯೆಗೆ ಶಾಶ್ವತ ಪರಿಹಾರ
- ಸರ್ಕಾರಿ ಬಸ್, ಮೆಟ್ರೋ ಸೇವೆಗಳಿಗೂ ಸಹಕಾರ
- ಜಾಮ್ ಇಲ್ಲದೆ ತ್ವರಿತ ಸಂಚಾರ ಅನುಭವ
