ಅಂತಾರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನ: ಮಾನವ ಸರಪಳಿ ನಿರ್ಮಿಸಿ ವಿಶ್ವದಾಖಲೆ ಬರೆದ ಕರ್ನಾಟಕ!

ಬೆಂಗಳೂರು: ಭಾನುವಾರ ಕರ್ನಾಟಕದಲ್ಲಿ ಅಂತಾರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನವನ್ನು ಅದ್ದೂರಿಯಾಗಿ ಆಚರಿಸಲಾಯಿತು. ಈ ವಿಶೇಷ ಸಂದರ್ಭವನ್ನು ಚಿರಸ್ಮರಣೀಯ ದಿನವನ್ನಾಗಿ ಮಾಡಲು, 2,500 ಕಿ.ಮೀ. ಉದ್ದದ ಮಾನವ ಸರಪಳಿಯಲ್ಲಿ 25 ಲಕ್ಷಕ್ಕೂ ಹೆಚ್ಚು ಮಂದಿ ಭಾಗವಹಿಸಿದ್ದು, ವಿಶ್ವದಾಖಲೆ ಸೃಷ್ಟಿಯಾಗಿದೆ.

ಗದಗ ಜಿಲ್ಲೆ ಈ ಮಹತ್ತರ ಕಾರ್ಯಕ್ರಮದಲ್ಲಿ ಮುಂಚೂಣಿಯಲ್ಲಿದ್ದು, 2,18,891 ಜನರ ಪಾಲ್ಗೊಳ್ಳುವಿಕೆಯೊಂದಿಗೆ ಶೇ. 21 ರಷ್ಟು ಜನಸಂಖ್ಯೆಯು ಭಾಗವಹಿಸಿದ್ದಾರೆ ಎಂದು ದಾಖಲಿಸಿದೆ.

ಇದರ ನಂತರ, ಉಡುಪಿ ಜಿಲ್ಲೆ 1,48,322 ಮಂದಿ ಭಾಗವಹಿಸಿ, 234 ಕಿ.ಮೀ. ಉದ್ದದ ಮಾನವ ಸರಪಳಿಯನ್ನು ನಿರ್ಮಿಸಿದ್ದು, ಅತಿ ಉದ್ದದ ಮಾನವ ಸರಪಳಿ ನಿರ್ಮಾಣದಲ್ಲಿ ಈ ಜಿಲ್ಲೆಯು ಕೂಡ ಸ್ಥಾನ ಪಡೆದಿದೆ.

ಈ ಒಗ್ಗಟ್ಟಿನ ಹಬ್ಬ ದೇಶದ ಪ್ರಜಾಪ್ರಭುತ್ವದ ಮಹತ್ವವನ್ನು ವಿಶ್ವದಮುಂದೆ ತೋರಿಸಿತು. ಕರ್ನಾಟಕದ ಜನರು ಪ್ರಜಾಪ್ರಭುತ್ವದ ಮೂಲ ಅರ್ಥವನ್ನು ಆಚರಿಸಲು ಕೈಜೋಡಿಸಿರುವುದು ಭವಿಷ್ಯದಲ್ಲಿಯೂ ಪ್ರಜಾಪ್ರಭುತ್ವದ ಸದೃಢತೆಯನ್ನು ಕಾಪಾಡುತ್ತದೆ ಎಂಬ ಸಂದೇಶವನ್ನು ನೀಡಿದೆ.