“ಕುಲದಲ್ಲಿ ಕೀಳ್ಯಾವುದೊ”: ರೇವಣ ಸಿದ್ದೇಶ್ವರ ಬೆಟ್ಟದಲ್ಲಿ ಭರ್ಜರಿ ಕ್ಲೈಮ್ಯಾಕ್ಸ್ ಚಿತ್ರೀಕರಣ!

ರಾಮನಗರ: ಜಿಲ್ಲೆಯ ರೇವಣ ಸಿದ್ದೇಶ್ವರ ಬೆಟ್ಟ ಇಂದು ಸದ್ದು ಮಾಡುತ್ತಿದೆ “ಕುಲದಲ್ಲಿ ಕೀಳ್ಯಾವುದೊ” ಚಿತ್ರದ ಸಾಹಸ ಸನ್ನಿವೇಶದ ಅದ್ಧೂರಿ ಚಿತ್ರೀಕರಣಕ್ಕೆ. ಯೋಗರಾಜ್ ಸಿನಿಮಾಸ್ ನೀಡುತ್ತಿರುವ ಬೆಂಬಲದಲ್ಲಿ, ಪರ್ಸ್ ಸಿನಿ ಕ್ರಿಯೇಷನ್ಸ್ ಲಾಂಛನದಲ್ಲಿ ನಿರ್ಮಾಣವಾದ ಈ ಚಿತ್ರ, ವಿಭಿನ್ನ ಕಥಾಹಂದರದಿಂದ ಎಲ್ಲರ ಗಮನ ಸೆಳೆಯುತ್ತಿದೆ.

ಸಾಹಸ ಸನ್ನಿವೇಶದಲ್ಲಿ ಮಡೆನೂರ್ ಮನು:
ಸಾಹಸ ನಿರ್ದೇಶಕ ವಿನೋದ್ ಮಾಸ್ಟರ್ ಮಾರ್ಗದರ್ಶನದಲ್ಲಿ ನಾಯಕ ಮಡೆನೂರ್ ಮನು ಮತ್ತು ನಾಯಕಿ ಮೌನ ಗುಡ್ಡಮನೆ ಸೇರಿದಂತೆ ಶರತ್ ಲೋಹಿತಾಶ್ವ, ಕರಿಸುಬ್ಬು, ಡ್ರ್ಯಾಗನ್ ಮಂಜು, ಸೀನ ಮುಂತಾದವರು ತಮ್ಮ ಪಾತ್ರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. 45 ಡಿಗ್ರಿ ಸೆಂಟಿಗ್ರೇಡ್ ತಾಪಮಾನದಲ್ಲೂ, ಮನು ತಮ್ಮ ಪಾತ್ರಕ್ಕಾಗಿ ಶ್ರಮಿಸಿದ್ಧಾರೆ.

ಯೋಗರಾಜ್ ಭಟ್ಟ್ ಅವರ ಮಾರ್ಗದರ್ಶನ:
ಕಥೆ ಬರೆದಿರುವ ಯೋಗರಾಜ್ ಭಟ್, ತಮ್ಮ ಅನುಭವದ ಶಕ್ತಿ ಬಳಸಿಕೊಂಡು ಚಿತ್ರತಂಡವನ್ನು ಬೆಂಬಲಿಸುತ್ತಿದ್ದಾರೆ. ನಿರ್ದೇಶಕ ಕೆ. ರಾಮನಾರಾಯಣ್ ಅವರ ಆಕ್ಷನ್ ಕಟ್ ಜೊತೆ, ಗೀತರಚನೆಗಾರ ಜಯಂತ್ ಕಾಯ್ಕಿಣಿ ಮತ್ತು ಮನೋಮೂರ್ತಿ ಅವರ ಸಂಗೀತ ಈ ಚಿತ್ರಕ್ಕೆ ಮೆರುಗು ನೀಡಲಿದೆ.

ನಿರೀಕ್ಷೆಯ ಕ್ಲೈಮ್ಯಾಕ್ಸ್:
ಈಗಾಗಲೇ ಸಿನಿಮಾದ ಪ್ರಮುಖ ಭಾಗದ ಚಿತ್ರೀಕರಣ ಮುಗಿದಿದ್ದು, ಕೇವಲ ಎರಡು ಹಾಡುಗಳು ಮಾತ್ರ ಬಾಕಿಯಿವೆ. “ನಮ್ಮ ತಂಡದ ಪರಿಶ್ರಮದಿಂದ ಸಿನಿಮಾ ಯಶಸ್ಸು ಕಾಣಲಿದೆ” ಎಂದು ನಿರ್ಮಾಪಕ ಸಂತೋಷ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.