ಮೈಸೂರು-ಕೊಡಗು ಕ್ಷೇತ್ರದ ಚುನಾವಣಾ ವಿವಾದ: ಬಿಎಸ್‌ಪಿ ಅಭ್ಯರ್ಥಿ ಅರ್ಜಿ ವಿಚಾರದಲ್ಲಿ ಹೈಕೋರ್ಟ್ ನೋಟಿಸ್ ಜಾರಿ!

ಬೆಂಗಳೂರು: ಮೈಸೂರು-ಕೊಡಗು ಲೋಕಸಭಾ ಕ್ಷೇತ್ರದಿಂದ ಬಿಎಸ್‌ಪಿ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿದ್ದ ರೇವತಿ ರಾಜ್ ಅವರ ನಾಮಪತ್ರ ತಿರಸ್ಕರಿಸಿದ ಚುನಾವಣಾ ಆಯೋಗದ ಕ್ರಮ ಪ್ರಶ್ನಿಸಿ ಸಲ್ಲಿಸಿದ್ದ ಅರ್ಜಿಯ ಸಂಬಂಧ ಕರ್ನಾಟಕ ಹೈಕೋರ್ಟ್ ಪ್ರಮುಖ ಆದೇಶ ನೀಡಿದೆ. ಚುನಾವಣಾ ಆಯೋಗ ಮತ್ತು ಸಂಸದ ಯದುವೀರ್ ಗೆ ನೋಟಿಸ್ ಜಾರಿ ಮಾಡಲಾಗಿದೆ.

ವಿವಾದದ ಹಿನ್ನೆಲೆ:
2024ರ ಏಪ್ರಿಲ್ 4ರಂದು, ರೇವತಿ ರಾಜ್ ಅವರು ನಾಮಪತ್ರ ಸಲ್ಲಿಸಿದ್ದರು. ಆದರೆ, ನಾಮಪತ್ರದಲ್ಲಿ ಕೆಲವು ಕಲಂಗಳಲ್ಲಿ ಸರಿಯಾಗಿ ಮಾಹಿತಿ ತುಂಬದ ಕಾರಣ ಮುಂದಿಟ್ಟು, ಏಪ್ರಿಲ್ 5ರೊಳಗೆ ದೋಷ ಸರಿಪಡಿಸಲು ಸೂಚನೆ ನೀಡಲಾಗಿತ್ತು.

ಅರ್ಜಿದಾರರ ಆರೋಪ:

• ನಾಮಪತ್ರ ಸರಿಯಾಗಿ ಸಲ್ಲಿಸಿದ್ದರೂ ತಿರಸ್ಕರಿಸಲಾಯಿತು.
• ರಾಜ್ಯ ಮುಖ್ಯ ಚುನಾವಣಾಧಿಕಾರಿಗಳಿಗೆ ದೂರು ನೀಡಿದರೂ ಪ್ರತಿಕ್ರಿಯೆ ಸಿಕ್ಕಿಲ್ಲ.
• ಚುನಾವಣಾಧಿಕಾರಿಗಳ ಕ್ರಮ ನ್ಯಾಯಸಮ್ಮತವಲ್ಲ.

ಅರ್ಜಿಯ ಬೇಡಿಕೆಗಳು:

• ತಿರಸ್ಕೃತ ನಾಮಪತ್ರವನ್ನು ಮರುಪರಿಶೀಲನೆ ಮಾಡಲು ಕೋರಿದ್ದಾರೆ.
• ಯದುವೀರ್ ಅವರ ಆಯ್ಕೆ ಅಮಾನ್ಯಗೊಳಿಸಿ, ಹೊಸ ಚುನಾವಣೆ ನಡೆಸುವಂತೆ ಕೋರಿದ್ದಾರೆ.

ಹೈಕೋರ್ಟ್ ಕ್ರಮ:
ನ್ಯಾಯಮೂರ್ತಿ ಎಸ್. ಜಿ. ಪಂಡಿತ್ ಅವರ ಏಕಸದಸ್ಯ ಪೀಠ, ಚುನಾವಣಾ ಆಯೋಗ ಮತ್ತು ಯದುವೀರ್ ಅವರಿಗೆ ನೋಟಿಸ್ ಜಾರಿ ಮಾಡಿ, ವಿಚಾರಣೆಯನ್ನು ಮುಂದೂಡಿತು.