ಪ್ಯಾರಿಸ್: ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ 2024 ನಲ್ಲಿ ಭಾರತದ ಪ್ರೀತಿ ಪಾಲ್ ಮಹಿಳೆಯರ 100 ಮೀ. ಟಿ35 ಸ್ಪರ್ಧೆಯಲ್ಲಿ 14.21 ಸೆಕೆಂಡುಗಳಲ್ಲಿ ತನ್ನ ವೈಯಕ್ತಿಕ ಶ್ರೇಷ್ಠ ಪ್ರದರ್ಶನ ನೀಡುವ ಮೂಲಕ ಕಂಚಿನ ಪದಕ ಗೆದ್ದು, ಭಾರತಕ್ಕೆ ಪ್ಯಾರಾ ಅಥ್ಲೆಟಿಕ್ಸ್‌ನಲ್ಲಿ ಮೊದಲ ಪದಕ ತಂದು ಕೊಟ್ಟಿದ್ದಾರೆ. 23 ವರ್ಷದ ಪ್ರೀತಿ ಅವರ ಸಾಧನೆ ಭಾರತಕ್ಕೆ ಗೌರವ ತಂದುಕೊಟ್ಟಿದ್ದು, ಈ ಗೆಲುವು ಅವರ ಕಠಿಣ ಪರಿಶ್ರಮಕ್ಕೆ ಸಿಕ್ಕ ಪ್ರತಿಫಲವಾಗಿದೆ.
ಈ ಸ್ಪರ್ಧೆಯಲ್ಲಿ ಚೀನಾದ ಝೋ ಷಿಯಾ (13.58 ಸೆಕೆ.) ಮತ್ತು ಗು ಕಿಯನ್‌ಕಿಯನ್ (13.74 ಸೆಕೆ.) ಕ್ರಮವಾಗಿ ಚಿನ್ನ ಮತ್ತು ಬೆಳ್ಳಿ ಪದಕವನ್ನು ಗೆದ್ದಿದ್ದಾರೆ. ಟಿ35 ವರ್ಗೀಕರಣವು ದೇಹದ ಅಂಗಾಂಗಗಳ ಜೋಡಣೆ ವ್ಯತ್ಯಾಸಗಳನ್ನು ಹೊಂದಿರುವ ಅಥ್ಲೀಟ್ಸ್‌ಗಳಿಗೆ ಮೀಸಲಾಗಿದ್ದು, ಹೈಪರ್‌ಟೋನಿಯಾ, ಅಟಾಕ್ಸಿಯಾ, ಅಥೆಟೋಸಿಸ್, ಮತ್ತು ಮೆದುಳಿನ ಪುನಃವಿಕಾಸ ಸಮಸ್ಯೆಗಳನ್ನೂ ಒಳಗೊಂಡಿದೆ.
ಸ್ಪರ್ಧೆಯ ಆರಂಭದಿಂದಲೇ ಪ್ರೀತಿ ಪಾಲ್ ಅವರ ವೇಗ, ತಾಳ್ಮೆ, ಮತ್ತು ಕಠಿಣ ಕಸರತ್ತು ಎಲ್ಲರಿಗೂ ಸ್ಪೂರ್ತಿದಾಯಕವಾಗಿತ್ತು, ಓಟದ ಕೊನೆಯಲ್ಲಿ ಅವರ ಅಸಾಧಾರಣ ಪ್ರದರ್ಶನ ಪ್ರೇಕ್ಷಕರ ಮನ ಗೆದ್ದಿತು.
ಈ ಸಾಧನೆಯೊಂದಿಗೆ ಪ್ರೀತಿ ಪಾಲ್ ಭಾರತದಲ್ಲಿ ಪ್ಯಾರಾ ಅಥ್ಲೀಟಿಕ್ಸ್‌ನಲ್ಲಿ ಹೊಸ ಅಧ್ಯಾಯ ಬರೆಯಲು ಪ್ರಾರಂಭಿಸಿದ್ದಾರೆ. ದೇಶಕ್ಕೆ ಕಂಚಿನ ಪದಕ ತಂದು ಕೊಟ್ಟ ಪ್ರೀತಿ ಪಾಲ್ ಅವರ ಸಾಧನೆ ಕಡಿಮೆ ಮಾತಲ್ಲ ಎಂದು ಹೇಳಬಹುದು.
ಪ್ರತಿಯೊಬ್ಬ ಭಾರತೀಯನಿಗೂ ಪ್ರೀತಿ ಪಾಲ್ ಅವರ ಈ ಗೆಲುವು ಪ್ರೇರಣೆಯಾಗಿದೆ, ಮತ್ತು ಮುಂದಿನ ದಿನಗಳಲ್ಲಿ ಅವರು ಮತ್ತಷ್ಟು ದೊಡ್ಡ ಸಾಧನೆಗಳನ್ನು ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ.
