ಸೌದಿ ಅರೇಬಿಯಾ ತನ್ನ ವೀಸಾ ನಿಯಮಗಳನ್ನು ಪೂರ್ಣವಾಗಿ ಬದಲಾವಣೆ ಮಾಡಿದೆ, ಇದರಿಂದ ಭಾರತ ಸೇರಿದಂತೆ 14 ದೇಶಗಳ ಹಜ್ ಯಾತ್ರಿಕರ ಚಿಂತೆಗೆ ಕಾರಣವಾಗಿದೆ. ಈ ದೇಶಗಳ ನಾಗರಿಕರಿಗೆ ಬಹುಪ್ರವೇಶ ವೀಸಾಗಳನ್ನು ನೀಡುವುದು ತಾತ್ಕಾಲಿಕವಾಗಿ ನಿಲ್ಲಿಸಲಾಗಿದೆ. ಈ ಕ್ರಮವು ಅನಧಿಕೃತ ಹಜ್ಜ್‌ ಯಾತ್ರಿಕರನ್ನು ತಡೆಗಟ್ಟಲು ಮತ್ತು ಹಜ್ಜ್‌ ಸಮಯದಲ್ಲಿ ಜನಸಂದಣಿ ನಿಯಂತ್ರಣವನ್ನು ಸುಧಾರಿಸಲು ಉದ್ದೇಶಿಸಲಾಗಿದೆ. 2025 ರ ಜೂನ್‌ಮಧ್ಯಭಾಗದವರೆಗೆ ಉಮ್ರಾ, ವ್ಯಾಪಾರ ಮತ್ತು ಕುಟುಂಬ ಭೇಟಿ ವೀಸಾಗಳನ್ನು ನೀಡುವುದನ್ನು ತಡೆಯುತ್ತದೆ. ಇದು ಹಜ್ ಮುಕ್ತಾಯದೊಂದಿಗೆ ಹೊಂದಿಕೆಯಾಗುತ್ತದೆ. ಭಾರತ, ಬಾಂಗ್ಲಾದೇಶ, ಪಾಕಿಸ್ತಾನ ಮತ್ತು ಇತರ ದೇಶಗಳು ಸೌದಿ ಅರೇಬಿಯಾದ ವೀಸಾ ನಿಷೇಧಕ್ಕೆ ಒಳಪಡುತ್ತವೆ. ಸಾವಿರಾರು ವ್ಯಕ್ತಿಗಳು ಪವಿತ್ರ ತೀರ್ಥಯಾತ್ರೆ ಕೈಗೊಳ್ಳುವುದರಿಂದ ಈ ಬೆಳವಣಿಗೆಯು ಈ ದೇಶಗಳ ಯಾತ್ರಾರ್ಥಿಗಳಿಗೆ ನಿರಾಶೆಯನ್ನುಂಟುಮಾಡುತ್ತದೆ.
ಹಿಂದಿನ ವರ್ಷಗಳಲ್ಲಿ ಹಜ್ ಅಲ್ಲದ ವೀಸಾಗಳನ್ನು ಬಳಸಿಕೊಂಡು ಮೆಕ್ಕಾಗೆ ಪ್ರವೇಶಿಸಿದ ಅನಧಿಕೃತ ಯಾತ್ರಿಕರಿಂದ ಎದುರಾದ ಸವಾಲುಗಳನ್ನು ಪರಿಹರಿಸಲು ಸೌದಿ ಅಧಿಕಾರಿಗಳು ಈ ನಿರ್ಬಂಧವನ್ನು ಪರಿಚಯಿಸಿದ್ದಾರೆ. ಇಂತಹ ನೋಂದಾಯಿಸದ ಭಾಗವಹಿಸುವಿಕೆಯು ಜನದಟ್ಟಣೆ ಮತ್ತು ಸುರಕ್ಷತಾ ಕಾಳಜಿಗಳಿಗೆ ಕಾರಣವಾಗಿದೆ. 2024ರಲ್ಲಿ ತೀವ್ರ ಜನದಟ್ಟಣೆ ಮತ್ತು ತೀವ್ರವಾದ ಶಾಖವು 1,200ಕ್ಕೂ ಹೆಚ್ಚು ಸಾವುಗಳಿಗೆ ಕಾರಣವಾಗಿತ್ತು.
ಸೌದಿ ಕ್ರೌನ್ ಪ್ರಿನ್ಸ್ ಮೊಹಮ್ಮದ್ ಬಿನ್ ಸಲ್ಮಾನ್ ಅವರು ವೀಸಾ ನಿಯಮಗಳನ್ನು ಹೆಚ್ಚಿಸುವಂತೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಪರಿಷ್ಕೃತ ನಿಯಮಗಳ ಪ್ರಕಾರ, ಈ ವರ್ಷ ಉಮ್ರಾ ವೀಸಾಕ್ಕೆ ಅರ್ಜಿ ಸಲ್ಲಿಸಲು ಕೊನೆಯ ದಿನ ಏಪ್ರಿಲ್ 13, 2025. ಇದಲ್ಲದೆ, ಹಜ್ ಮುಗಿಯುವವರೆಗೆ ಯಾವುದೇ ಹೊಸ
ಉಮ್ರಾ ವೀಸಾಗಳನ್ನು ನೀಡಲಾಗುವುದಿಲ್ಲ.
ವೀಸಾ ನಿಷೇಧವನ್ನು ಎದುರಿಸುತ್ತಿರುವ ದೇಶಗಳು:
ಭಾರತ, ಬಾಂಗ್ಲಾದೇಶ, ಪಾಕಿಸ್ತಾನ, ಅಲ್ಜೀರಿಯಾ, ಈಜಿಪ್ಟ್, ಇಥಿಯೋಪಿಯಾ, ಇಂಡೋನೇಷಿಯಾ, ಇರಾಕ್, ಜೋರ್ಡನ್, ಮೊರಾಕ್ಕೊ, ನೈಜೀರಿಯಾ, ಸುಡಾನ್, ಟ್ಯೂನಿಶಿಯಾ ಮತ್ತು ಯೆಮೆನ್. ವೀಸಾ ನಿಷೇಧವನ್ನು ಎದುರಿಸುತ್ತಿರುವ ದೇಶಗಳಾಗಿವೆ.
ಯಾಕೆ ಈ ನಿರ್ಧಾರ ?
ಈ ನಿಷೇಧದ ಹಿಂದಿನ ಮುಖ್ಯ ಉದ್ದೇಶವೆಂದರೆ ಹಜ್ ಯಾತ್ರೆಯ ಅವಧಿಯಲ್ಲಿ ಹೆಚ್ಚಾಗುವ ಭಾರಿ ಜನಸಂದಣಿಯನ್ನು ನಿಯಂತ್ರಿಸುವುದು, ಮತ್ತು ಪರ್ಯಾಯ ಯಾತ್ರಿಕರಿಗೆ ಮತ್ತು ಸಾರ್ವಜನಿಕರಿಗೆ ಸುರಕ್ಷತೆ ಒದಗಿಸುವುದು. ಹಜ್‌ಗೆ ವರ್ಷಕ್ಕೆ ಲಕ್ಷಾಂತರ ಯಾತ್ರಾರ್ಥಿಗಳು ಭೇಟಿ ನಿಡುವುದರಿಂದ, ಸೌದಿ ಸರ್ಕಾರವು ಯಾತ್ರಾರ್ಥಿಗಳ ಸೌಕರ್ಯದ ಉದ್ದೇಶದಿಂದ, ನಿರ್ದಿಷ್ಟ ಸಮಯದವರೆಗೆ ಕೆಲ ವೀಸಾ ಪ್ರಕ್ರಿಯೆಯನ್ನು ನಿಲ್ಲಿಸಲು ನಿರ್ಧರಿಸಿದೆ.
ಇದರ ಪರಿಣಾಮವೇನು?
*ಸಾವಿರಾರು ಭಾರತೀಯರು ಹಾಗೂ ಇತರೆ ದೇಶಗಳ ಯಾತ್ರಿಕರು ತಾತ್ಕಾಲಿಕವಾಗಿ ಸೌದಿ ಪ್ರವೇಶದಿಂದ ವಂಚಿತರಾಗುತ್ತಾರೆ.
*ಹಜ್ ಹೊರತುಪಡಿಸಿ ಇತರ ಉದ್ದೇಶಗಳಿಗಾಗಿ ತಯಾರಿ ಮಾಡಿಕೊಂಡವರು ತಮ್ಮ ಯೋಜನೆಗಳನ್ನು ತಿದ್ದುಕೊಂಡು ಮುಂದೆ ಸಾಗಬೇಕಾಗುತ್ತದೆ.
*ಈ ನಿರ್ಧಾರದಿಂದ ಕೆಲವರೆಗೂ ಭಾವನಾತ್ಮಕ ಮತ್ತು ಆರ್ಥಿಕ ಅಸಮಾಧಾನ ಉಂಟಾಗಬಹುದು.
ಯಾವ ವೀಸಾಗಳಿಗೆ ಪರಿಣಾಮ ಬೀರಿದೆ?
- ಯುಮ್ರೂ ವೀಸಾ : ಪವಿತ್ರ ಸ್ಧಳಗಳಿಗೆ ಯಾತ್ರೆ ನಡೆಸಲು ಪರಿಣಾಮ ಬೀರುತ್ತದೆ.
- ಬಿಸಿನೆಸ್‌ ವೀಸಾ : ವ್ಯವಹಾರ ಸಂಬಂದಿತ ಪ್ರಯಾಣಕ್ಕಾಗಿ ತೊಂದರೆ.
- ಫ್ಯಾಮಿಲಿ ವಿಸಿಟ್‌ ವೀಸಾ : ಸೌದಿ ವಾಸಿಸುವ ಕುಟುಂಬ ಸದಸ್ಯರ ಭೇಟಿಗಾಗಿ ತೊಂದರೆ.
ಒಟ್ಟಾರೆಯಾಗಿ ಸೌದಿ ಅರೇಬಿಯಾ ಸರ್ಕಾರವು ಈ ತೀರ್ಮಾನವನ್ನು ಸುರಕ್ಷಿತ, ವ್ಯವಸ್ಥಿತ ಮತ್ತು ಆರೋಗ್ಯಯುತ ಹಜ್ ಯಾತ್ರೆಗೆ ದಾರಿ ಮಾಡಲು ತೆಗೆದುಕೊಂಡಿದೆ. ಇದು ಯಾವದೇ ದೇಶವನ್ನು ಟಾರ್ಗೆಟ್ ಮಾಡುವ ಉದ್ದೇಶವಲ್ಲ, ಬದಲಾಗಿ ಸಾರ್ವಜನಿಕ ಸುರಕ್ಷತೆಗೆ ಆದ್ಯತೆ ನೀಡಿರುವ ಕ್ರಮವಾಗಿದೆ.
ಸಂಗೀತ
ಆಲ್ಮಾ ನ್ಯೂಸ್ ವಿದ್ಯಾರ್ಥಿ
