ಭೂಮಿಗೆ ಮರಳಿದ ಸುನಿತಾ ವಿಲಿಯಮ್ಸ್‌, ಬುಚ್ ವಿಲ್ಮೋರ್‌ ..!

ದಿನಚರಿ, ಆಹಾರ ಸೇವನೆ, ತ್ಯಾಜ್ಯ ವಿಲೇವಾರಿಯ ಬಗ್ಗೆ ತಿಳಿದಿದೆಯೆ.?

ಅಮೆರಿಕಾದ ಬಹ್ಯಾಕಾಶಯಾನ 1998 ರಲ್ಲಿ ನಿರ್ಮಾಣವಾಗಿ ಸುಮಾರು 2011ರ ವರೆಗೆ ಅದನ್ನು ವೈಙ್ಞಾನಿಕವಾಗಿ ನಿರ್ಮಿಸುವ ಕಾರ್ಯವನ್ನು ಅಮೆರಿಕ, ರಷ್ಯಾ, ಇನ್ನಿತರ ದೇಶಗಳು ಜೊತೆಗೂಡಿ ನಡೆಸಿದ್ದವು, ಇಂದಿಗೂ ಅದನ್ನು ಅಭಿವೃದ್ದಿ ಪಡಿಸುವ ಕೆಲಸ ನಡೆಯತ್ತಲೆ ಸಾಗಿದೆ, ಅಮೆರಿಕಾದ ಬಹ್ಯಾಕಾಶಯಾನ ಎಂದರೆ ಭಾರತೀಯರ ನೆನಪಿಗೆ ಬರುವುದೆ ಗಗನಯಾತ್ರಿ ಕಲ್ಪನಾ ಚಾವ್ಲ, ಕಲ್ಪನಾ ಚಾವ್ಲ ಅವರನ್ನು ಸೇರಿದ 7 ಗಗನಯಾತ್ರಿಗಳನ್ನು(astronaut) ಹೊತ್ತ ಗಗನನೌಕೆ 2003 ರಲ್ಲಿ ಭೂಮಿಗೆ ಬರುವ 16 ನಿಮಿಷಗಳು ಬಾಕಿ ಇರುವಾಗಲೆ ಸ್ಪೋಟಗೊಂಡ ಕಾರಣ 7 ಗಗನಯಾತ್ರಿಗಳು ಸಾವನ್ನಪ್ಪಿದರು,

ಆದರೆ ಅಲ್ಲಿ ಆದ ತಪ್ಪು ನಾಸಾಗೆ ಅತಿ ದೊಡ್ಡ ಪಾಠವಾಗಿತ್ತು, ಅದಾದ ನಂತರ  ನಾಸ ಹೊಸ ತಂತ್ರಜ್ಞಾನದ ಮೂಲಕ ತನ್ನನ್ನು ತಾನು ಬಲಪಡಿಸಿಕೊಂಡು, ಆದಾದ ನಂತರ ಈ ರೀತಿಯ ತಪ್ಪುಗಳು ಮರುಕಳಿಸದಂತೆ ಅಮೆರಿಕಾದ  ನಾಸಾ ಎಚ್ಚರವಹಿಸಿತ್ತು, ಸಾಮಾನ್ಯವಾಗಿ ಬಹ್ಯಾಕಾಶಯಾನಕ್ಕೆ ಗಗನಯಾತ್ರಿಗಳು “ಐಎಸ್‌ಎಸ್(‌ISS- International Space Station) ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ ಕ್ಕೆ ತೆರಳುವುದು ಸಾಮಾನ್ಯ, ಸದ್ಯ ಅಂತರಿಕ್ಷದಲ್ಲಿ 2 ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣವಿದ್ದು ಕ್ರಮವಾಗಿ ಅಮೆರಿಕಾದ(ಮತ್ತು 15 ದೇಶಗಳ ಸಹಯೋಗದೊಂದಿಗೆ) ಐಎಸ್‌ಎಸ್(‌ISS- International Space Station) ಮತ್ತು ಚೀನಾದ ಟಿಯಾಂಗಾಂಗ್ ಬಾಹ್ಯಾಕಾಶ

ನಿಲ್ದಾಣ(Tiangong space station)ಗಳು ಭೂಮಿಯ ಕಕ್ಷೆಯ ಸುತ್ತಾ ಸುತ್ತುತ್ತದೆ ಇದರ ವೇಗ ಸೆಕೆಂಡಿಗೆ 7.66 km/s ಆಗಿರುತ್ತದೆ ಅಂದರೆ ಘಂಟೆಗೆ 27,600 km/h ವೇಗದಲ್ಲಿ ಚಲಿಸುತ್ತದೆ ಭೂಮಿಯಿಂದ ಸುಮಾರು 450 km ದೂರವಿದೆ ಹಾಗೂ ಅಮೆರಿಕಾದ ಐಎಸ್‌ಎಸ್(‌ISS- International Space Station) ಭೂಮಿಯಿಂದ  400 km ದೂರವಿದ್ದು ಇದು ಪ್ರತಿ ಘಂಟೆಗೆ  28,000 km/h ಹಾಗೂ ಇದರ ವೇಗ ಸೆಕೆಂಡಿಗೆ 7.66 km/s ಆಗಿರುತ್ತದೆ,

ಭೂಮಿಯ ಕಕ್ಷೆಯ ಸುತ್ತಾ ಸುತ್ತುವುದಕ್ಕೆ ಸುಮಾರು 90 ನಿಮಿಷಗಳ ಸರಾಸರಿಯಲ್ಲಿ ದಿನಕ್ಕೆ 15 ಬಾರಿ ಸುತ್ತುತ್ತದೆ. ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ ನಿರ್ವಹಣೆಗೆ ವರ್ಷಕ್ಕೆ 300 ಕೋಟಿ ಡಾಲರ್‌ಗಳು ವೆಚ್ಚಮಾಡಲಾಗುತ್ತದೆ.

-ಗಗನಯಾನದ ಉಪಯೋಗಗಳ ಮಾಹಿತಿ

ಇಡೀ ವರ್ಷವೆಲ್ಲಾ ಅಲ್ಲಿ 8 ರಿಂದ 10 ಮಂದಿ ಗಗನಯಾತ್ರಿಗಳು ನೆಲೆಸಿರುತ್ತಾರೆ, ನೆಲೆಸಿರುವ ಗಗನಯಾತ್ರಿಗಳು(astronauts)ಗಳು ಗಗನನೌಕೆಯಲ್ಲಿ ಆಗುವ ಚಿಕ್ಕ-ಪುಟ್ಟ ಲೋಪ-ದೋಷಗಳನ್ನು ಭೂಮಿಯ ಮೇಲಿರುವ ನಾಸಾದ ವಿಜ್ಞಾನಿಗಳ ಸಲಹೆ-ಸೂಚನೆಗಳ ಮೇರೆಗೆ ಸರಿಪಡಿಸುವುದು ಹಾಗೂ ವೈಙ್ಞಾನಿಕ ಸಂಶೋಧನೆಗಳನ್ನು ಅನ್ಯ ಗ್ರಹಗಳ ಕುರಿತು ನಡೆಸುವುದು ಅವುಗಳ ಚಲನೆ ಇನ್ನಿತರ ವೈಙ್ಞಾನಿಕ ಶೋಧ, ಹುಡುಕಾಟ ಹೀಗೆ ಇನ್ನೂ ಹಲವು ಪ್ರಯೋಜನಗಳು ಈ ಗಗನಯಾನದಿಂದ ಸಾಧ್ಯವಾಗುತ್ತದೆ ಅದಾಗಿಯೂ ಕೆಲ ದಿನ/ತಿಂಗಳುಗಳ ನಂತರ ಭೂಮಿಗೆ ಮರಳಿದ ಗಗನಯಾತ್ರಿಗಳ ಸ್ಥಾನಕ್ಕೆ ಮತ್ತೊಬ್ಬ ಗಗನಯಾತ್ರಿಯನ್ನು ಇತರ ಗಗನಯಾನ ಸಂಸ್ಥೆಗಳಾದ “ಸ್ಪೇಸ್‌ಎಕ್ಸ್, ಬ್ಲೂ ಆರಿಜಿನ್ ಮತ್ತು ವರ್ಜಿನ್ ಗ್ಯಾಲಕ್ಟಿಕ್” ಗಳಲ್ಲಿ ತಯಾರಾದ ಗಗನನೌಕೆಗಳ ಮೂಲಕ ಕಳಿಸಿ ಸಂಶೋಧನೆಯನ್ನು ಮುಂದುವರೆಸುತ್ತದೆ.

-ಆಹಾರ ಪದಾರ್ಥ ಹಾಗೂ ತ್ಯಾಜ್ಯ ಶೇಖರಣೆ

ದಿನಕ್ಕೆ ಕನಿಷ್ಟ 2 ಘಂಟೆ ವ್ಯಾಯಾಮವನ್ನು ಗಗನಯಾತ್ರಿಗಳು ಮಾಡಲೇಬೇಕು, ಅವರಿಗೆ ಅಹಾರ ಪದಾರ್ಥ, ನೀರನ್ನು ಕ್ರಮವಾಗಿ ಕ್ಯಾನ್‌, ಪ್ಲಾಸ್ಟಿಕ್‌ ಬ್ಯಾಗ್‌, ಜಿಪ್‌ ಲಾಕ್‌ ಹೀಗೆ ಎಲ್ಲವನ್ನು ಪ್ಯಾಕ್‌ ಮಾಡಿ ಕಳಿಸಲಾಗುತ್ತದೆ, ಹೀಗೆ ಒಣಗಿಸಿದ ಆಹಾರ, ಹಣ್ಣು, ಕಾಳುಗಳ ಪುಡಿ ಹಾಗೂ ವಿಟಮಿನ್‌ ಮಾತ್ರೆಗಳನ್ನು ಅಲ್ಲಿ ಸೇವಿಸಲಾಗುತ್ತದೆ,

ಗುರುತ್ವದ ಬಲವಿಲ್ಲದೆ ಅಲ್ಲಿ ಅಹಾರ ಪದಾರ್ಥ, ನೀರು ಗಾಳಿಯಲ್ಲಿ ತೇಲಿ ಅವರಿಗೆ ತೊಂದರೆ ನೀಡುವ ಸಂಭವವಿರುತ್ತದೆ, ಮೂತ್ರ ವಿಸರ್ಜನೆಯನ್ನು ಅಲ್ಲಿ ಶೇಖರಿಸಿ ಅದನ್ನೆ ಶೋಧಿಸಿ(water filter) ಪುನಃ ಬಳಸಬೇಕು, ಇನ್ನು ತ್ಯಾಜ್ಯವನ್ನು ಸಹ ವಿನ್ಯಾಸಗೊಳಿಸಿರುವ ಪೈಪ್/ಶೇಖರಣ ಪೆಟ್ಟಿಗೆಯಲ್ಲೆ ಶೇಖರಿಸಿ ಅದನ್ನು ಸೊಪ್ಪು-ಸಸ್ಯಗಳನ್ನು ಬೆಳೆಯುವಲ್ಲಿಗೆ ಗೊಬ್ಬರ ಮಾಡುವಿಕೆಯಲ್ಲಿ ಬಳಸಬೇಕು, ಇನ್ನುಳಿದಂತೆ ಪ್ಲಾಸ್ಟಿಕ್‌ ಕವರ್‌ಗಳನ್ನು ಶೇಖರಿಸಿ ಭೂಮಿಗೆ ತಲುಪಿಸಬೇಕು.

– ಜೂನ್ 5, 2024 ಸುನಿತ ವಿಲಿಯಮ್ಸ್‌ ಹಾಗೂ ಬುಚ್ ವಿಲ್ಮೋರ್‌ ಅವರ 8 ದಿನಗಳ ಬದಲು 9 ತಿಂಗಳುಗಳ  ಸುಧೀರ್ಘ ಪಯಣ.  

      ಜೂನ್ 5, 2024 ರಲ್ಲಿ ನಾಸಾ ಹಾಗೂ ಅಮೆರಿಕನ್‌ ಭೋಯಿಂಗ್‌ ಕಾರ್ಪರೇಷನ್‌ ಒಪ್ಪಂದದ ಮೇರೆಗೆ ನಿರ್ಮಾಣವಾದ ಭೋಯಿಂಗ್‌ ಸ್ಟಾರ್ಲೈನ್‌ ಕ್ಯಾಪ್ಸಲ್‌ನ ಕೇವಲ 8 ದಿನಗಳ‌  ಪರೀಕ್ಷಾರ್ಥ ಪ್ರಯಾಣಕ್ಕೆಂದು ಹೋದ ಭಾರತೀಯ ಮೂಲದ ಸುನಿತ ವಿಲಿಯಮ್ಸ್‌ ಹಾಗೂ ಬುಚ್ ವಿಲ್ಮೋರ್‌ ಅವರ ನೌಕೆಯಲ್ಲಿ ಹೀಲಿಯಮ್ ಸೋರಿಕೆಯಿಂದ ಹಾಗೂ ಗಗನನೌಕೆ(Spaceship) ತಾಂತ್ರಿಕ ದೋಷದ ಕಾರಣದಿಂದ 9 ತಿಂಗಳು(286ದಿನ)ಗಳನ್ನು ಅಲ್ಲೆ ಕಳೆದಿದ್ದಾರೆ.

ಆ ನೌಕೆ ಭೂಮಿಗೆ ಪುನಃ ಬರುವಲ್ಲಿ ವಿಫವವಾಯಿತು, ಈ ಘಟನೆಯ ಬಳಿಕ ವಿಲಿಯಮ್ಸ್‌ ಹಾಗೂ ಬುಚ್ ಪುನಃ ಭೂಮಿಗೆ ಬರುವುದು ಅಸಾಧ್ಯ ಎಂಬ ಮಾತು ಎಲ್ಲೆಡೆ ಆವರಿಸಿತ್ತು. ಆದರೆ ಮಾಹಿತಿ ಮತ್ತು ತಂತ್ರಜ್ಞಾನದಲ್ಲಿ ಮುಂಚೂಣಿಯಲ್ಲಿರುವ ಅಮೆರಿಕ ನಾವು ಅವರನ್ನು ವಾಪಸ್‌ ಭೂಮಿಗೆ ಕರೆತರುತ್ತೇವೆ ಎಂಬುದನ್ನು ಕೂಗಿ ಹೇಳಿತ್ತು.

ಇದರ ಬಳಿಕ ಸುನಿತ ವಿಲಿಯಮ್ಸ್‌ ಹಾಗೂ ಬುಚ್ ವಿಲ್ಮೋರ್‌ ಅವರನ್ನು ಮರಳಿ ಭೂಮಿಗೆ ಕರೆತರಲು ಎಲಾನ್‌ ಮಸ್ಕ್ ಒಡೆತನದ ಸ್ಪೇಸ್‌ ಎಕ್ಸ್(SpaceX) ಕಂಪನಿಯ ಮತ್ತು ನಾಸಾದ ಒಪ್ಪಂದದ ಮೇಲೆ ನಿರ್ಮಿತವಾದ ಸ್ಪೇಸ್‌ ಎಕ್ಸ್ ಕ್ರ್ಯೂ ಡ್ರ್ಯಾಗನ್ (spacex crew dragon) ಗಗನನೌಕೆ(Spaceship)ಯ ಸಹಾಯದಿಂದ, ಸುಧೀರ್ಘ ಕಾಯುವಿಕೆಯ ನಂತರ, ಸುನೀತಾ ವಿಲಿಯಮ್ಸ್ ಮತ್ತು ಬುಚ್ ವಿಲ್ಮೋರ್ ಭಾರತೀಯ ಕಾಲಮಾನ ಬುಧವಾರ ಬೆಳಗಿನ ಜಾವ 3.27ಕ್ಕೆ ಅಮೆರಿಕದ ಫ್ಲೋರಿಡಾ ಕರಾವಳಿಯಲ್ಲಿ ಇಳಿದಿದ್ದಾರೆ. ಈ ಜೋಡಿ 286 ದಿನಗಳನ್ನು ಬಾಹ್ಯಾಕಾಶದಲ್ಲಿ ಕಳೆದಿದೆ.

-ಸುನೀತಾ ವಿಲಿಯಮ್ಸ್ ಮತ್ತು ಬುಚ್ ಅವರ ಸದ್ಯದ ಆರೋಗ್ಯ ಪರಿಸ್ಥಿತಿ

  ಸುಧೀರ್ಘವಾಗ ಗಗನಯಾನದಿಂದ ವಿಲಿಯಮ್ಸ್ ಮತ್ತು ಬುಚ್ ಅವರ ದೇಹದ ಕೆಲವು ಭಾಗಗಳ ಮೂಳೆಗಳು  ಸಾಂದ್ರತೆ ಕಳೆದುಕೊಂಡಿರುವುದು ಮತ್ತು ರೋಗ ನಿರೋಧಕ ಶಕ್ತಿ ಕಡಿಮೆಯಾಗೆದೆ,  ಮತ್ತು ಚೇತರಿಸಿಕೊಳ್ಳಲು ಕಷ್ಟಕರವಾಗುತ್ತದೆ ದೇಹದ ಮೇಲೆ ಭೂಮಿಯ ಗುರುತ್ವ ಬಲ ಸ್ವಲ್ಪ ಪರಿಣಾಮ ಬೀರಲಿದೆ ಎಂದು ತಿಳಿದು ಬಂದಿದೆ ಆದರೂ ಮುಂದುವರೆದ ವೈದ್ಯಕೀಯ ವಿಙ್ಞಾನದ ಮೂಲಕ ಅವರ ಆರೋಗ್ಯವನ್ನು ಹತೋಟಿಗೆ ತರಬಹುದಾಗಿದೆ ಎಂದು ಅಮೆರಿಕಾ ನಾಸಾದ ವಿಙ್ಞಾನಿಗ̧̧ಳು ವೈದ್ಯರು ಹಾಗೂ ಭಾರತದ ನಿವೃತ್ತ ವಿಙ್ಞಾನಿಗಳು ಅಭಿಪ್ರಾಯಪಟ್ಟದ್ದಾರೆ.

-ISSನಲ್ಲಿ ಸುನೀತಾ ವಿಲಿಯಮ್ಸ್ ಸಾಧನೆಗಳು

ಸುನೀತಾ ವಿಲಿಯಮ್ಸ್ ಇದುವರೆಗೆ ಮೂರು ಬಾರಿ ಬಾಹ್ಯಾಕಾಶಕ್ಕೆ ಪ್ರಯಾಣಿಸಿದ್ದಾರೆ. ಇದರಲ್ಲಿ 2006, 2013 ಮತ್ತು 2024ರ ಬಾಹ್ಯಾಕಾಶ ಯಾನಗಳು ಸೇರಿವೆ. ಅವರು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ISS) ಒಟ್ಟು 608 ದಿನಗಳನ್ನು ಕಳೆದಿದ್ದಾರೆ. ಇದು NASA ಗಗನಯಾತ್ರಿಯೊಬ್ಬರು ಬಾಹ್ಯಾಕಾಶದಲ್ಲಿ ಕಳೆದ ಎರಡನೇ ಅತಿ ಹೆಚ್ಚು ಸಮಯವಾಗಿದೆ.  ISS ನಲ್ಲಿ 675 ದಿನಗಳನ್ನು ಕಳೆದ ಪೆಗ್ಗಿ ವಿಟ್ಸನ್ ಮಾತ್ರ ಅಮೆರಿಕದ ಗಗನಯಾತ್ರಿಗಳಲ್ಲಿ ಸುನೀತಾ ವಿಲಿಯಮ್ಸ್​ಗಿಂತ ಮುಂದಿದ್ದಾರೆ. ವಿಶ್ವಾದ್ಯಂತ ಗಗನಯಾತ್ರಿಗಳ ವಿಷಯಕ್ಕೆ ಬಂದರೆ, ನಾಸಾ ಗಗನಯಾತ್ರಿಗಳು ರಷ್ಯಾದ ಹತ್ತಿರವೂ ಇಲ್ಲ. ಈ ದಾಖಲೆ ರಷ್ಯಾದ ಗಗನಯಾತ್ರಿ ಒಲೆಗ್ ಕೊನೊನೆಂಕೊ ಅವರ ಹೆಸರಿನಲ್ಲಿದೆ. ಕಳೆದ ವರ್ಷ ಜೂನ್‌ನಲ್ಲಿ, ಅವರು ಬಾಹ್ಯಾಕಾಶದಲ್ಲಿ 33 ತಿಂಗಳುಗಳು ಅಥವಾ 1,000 ದಿನಗಳನ್ನು ಕಳೆದ ದಾಖಲೆಯನ್ನು ಸ್ಥಾಪಿಸಿದರು. ರಷ್ಯಾದ ಗಗನಯಾತ್ರಿ ತಮ್ಮ ಸಹ ಗಗನಯಾತ್ರಿ ಗೆನ್ನಡಿ ಪಡಲ್ಕಾ ಅವರ ದಾಖಲೆಯನ್ನು ಸಹ ಮುರಿದಿದ್ದಾರೆ.