ವಾಷಿಂಗ್ಟನ್: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಭಾರತವು ಅಮೆರಿಕದ ಉತ್ಪನ್ನಗಳ ಮೇಲೆ ಅತಿ ಹೆಚ್ಚು ತೆರಿಗೆ ಹಾಕುತ್ತಿದೆ ಎಂದು ಆರೋಪಿಸಿದ್ದಾರೆ. “ಅವರು ನಮಗೆ ತೆರಿಗೆ ಹಾಕಿದರೆ, ನಾವು ಕೂಡಾ ಅವರಿಗೆ ತೆರಿಗೆ ಹಾಕುತ್ತೇವೆ” ಎಂಬ ಕಠಿಣ ಸಂದೇಶವನ್ನು ಅವರು ನೀಡಿದರು.
ಟ್ರಂಪ್ ಅವರು ತಮ್ಮ ಹಿಂದಿನ ಅಧ್ಯಕ್ಷೀಯ ಅವಧಿಯಲ್ಲಿಯೇ ಭಾರತದ ಉಚ್ಛ ತೆರಿಗೆಗಳನ್ನು ನಿರಂತರವಾಗಿ ಪ್ರಶ್ನಿಸಿದ್ದರು. “ಅಮೆರಿಕದ ಉತ್ಪನ್ನಗಳ ಮೇಲೆ 100% ಅಥವಾ ಹೆಚ್ಚಿನ ಶುಲ್ಕವನ್ನು ಭಾರತ ವಿಧಿಸುತ್ತಿದೆ. ಇದು ನ್ಯಾಯಸಮ್ಮತವಲ್ಲ. ಭಾರತವು ಈ ನೀತಿಯನ್ನು ಬದಲಾಯಿಸಬೇಕು” ಎಂದು ಅವರು ತಿಳಿಸಿದ್ದಾರೆ.
ಭಾರತ-ಅಮೆರಿಕ ವ್ಯಾಪಾರ ಸಂಬಂಧಗಳು ಇತ್ತೀಚಿನ ವರ್ಷಗಳಲ್ಲಿ ಬಲಗೊಂಡಿದ್ದರೂ, ತೆರಿಗೆ ಮತ್ತು ವ್ಯಾಪಾರ ಅಡೆತಡೆಗಳು ಎರಡೂ ದೇಶಗಳ ನಡುವೆ ಹಗ್ಗಜಗ್ಗಾಟವನ್ನು ಹೆಚ್ಚಿಸಿವೆ.
ಈ ಹೇಳಿಕೆಗೆ ಭಾರತದಿಂದ ಇನ್ನೂ ಅಧಿಕೃತ ಪ್ರತಿಕ್ರಿಯೆ ಬಂದಿಲ್ಲ. ಆದರೆ, ವ್ಯವಹಾರ ಮತ್ತು ಕಾನೂನು ತಜ್ಞರು “ಇದು ಕೇವಲ ರಾಜಕೀಯ ಲಾಭಕ್ಕಾಗಿ ಮಾಡಿದ ಮಾತಾಗಬಹುದು” ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಈ ಹೇಳಿಕೆ ಭಾರತ-ಅಮೆರಿಕ ವ್ಯಾಪಾರ ಸಂಬಂಧದ ಮುಂದಿನ ಬೆಳವಣಿಗೆಗೆ ಪ್ರಭಾವ ಬೀರುವ ಸಾಧ್ಯತೆ ಇದೆ.
