ಟೆಸ್ಲಾ ‘ಕೋರ್ಟ್‌ಟೆಕ್ಸ್’: ನಿಮ್ಮ ನಿಜ ಜೀವನದ ಸಮಸ್ಯೆಗಳಿಗೂ ಕೂಡ ಈಗ ಕ್ಷಣಮಾತ್ರದಲ್ಲಿ ಪರಿಹಾರ..?!
ವಾಷಿಂಗ್ಟನ್: ಟೆಸ್ಲಾ ಸಂಸ್ಥೆ ಆಸ್ಟಿನ್‌ನಲ್ಲಿರುವ ಕೇಂದ್ರ ಕಛೇರಿಯಲ್ಲಿ ಇತ್ತೀಚೆಗೆ ‘ಕೋರ್ಟ್‌ಟೆಕ್ಸ್’ ಎಂಬ ನೂತನ ಎಐ ತರಬೇತಿ ಸೂಪರ್‌ಕ್ಲಸ್ಟರ್‌ ನಿರ್ಮಾಣ ಮಾಡುತ್ತಿದೆ. ಈ ವಿಶಾಲವಾದ ‘ಕೋರ್ಟ್‌ಟೆಕ್ಸ್’ ಒಳಗಡೆ ನಡೆದ ಕಾಮಗಾರಿ ವೀಡಿಯೊ ಈಗ ಸದ್ದು ಮಾಡುತ್ತಿದೆ. ಎಐ ತಂತ್ರಜ್ಞಾನದಲ್ಲಿ ವಿಶ್ವಾದ್ಯಂತ ಬೃಹತ್ ಹೆಜ್ಜೆ ಇಡುವ ಉದ್ದೇಶವಿರುವ ಟೆಸ್ಲಾ, ನಿಜ ಜೀವನದ ಸಮಸ್ಯೆಗಳನ್ನು ಪರಿಹರಿಸಲು ಈ ಸೂಪರ್‌ಕ್ಲಸ್ಟರ್‌ ಅನ್ನು ಅಭಿವೃದ್ಧಿಪಡಿಸುತ್ತಿದೆ.
ಈ ವೀಡಿಯೊದಲ್ಲಿ ‘ಕೋರ್ಟ್‌ಟೆಕ್ಸ್’ ನ ಗಾತ್ರ, ಅದ್ಭುತ ತಂತ್ರಜ್ಞಾನ ಮತ್ತು ಅದರ ಅಸಾಧಾರಣ ರಹಸ್ಯಗಳನ್ನು ತೋರಲಾಗಿದೆ. ಎಐ ಕ್ಷೇತ್ರದಲ್ಲಿ ಈ ವಿನೂತನ ಪ್ರಯತ್ನವು ಕೇವಲ ತರಬೇತಿಗೆ ಮಾತ್ರವಲ್ಲ, ಭವಿಷ್ಯದ ಎಐ ತಂತ್ರಜ್ಞಾನ ಅಭಿವೃದ್ಧಿಗೆ ಮಹತ್ವದ ಹಂತವಾಗಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಟೆಸ್ಲಾ ಹಾಗೂ ಎಐ ತಂತ್ರಜ್ಞಾನದಲ್ಲಿ ತೀವ್ರ ಉತ್ಸಾಹ ಹೊಂದಿರುವವರಿಗೆ ಈ ಸುದ್ದಿ ನಿಜಕ್ಕೂ ಕುತೂಹಲ ಮೂಡಿಸುವಂತಿದೆ. ‘ಕೋರ್ಟ್‌ಟೆಕ್ಸ್’ ಹೇಗೆ ಮತ್ತು ಯಾವ ಮಟ್ಟದಲ್ಲಿ ತಂತ್ರಜ್ಞಾನದಲ್ಲಿ ಬದಲಾವಣೆ ತರಲಿದೆ ಎಂಬುದರ ಬಗ್ಗೆ ಜಿಜ್ಞಾಸೆ ಹೆಚ್ಚಾಗುತ್ತಿದೆ.
ಇದಕ್ಕೆ ಸಂಬಂಧಿಸಿದಂತೆ, ಎಲೆನ್ ಮಸ್ಕ್ ಅವರು ಈ ಯೋಜನೆ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಗಳನ್ನು ಬಹಿರಂಗಪಡಿಸಬಹುದೆಂದು ಊಹಿಸಲಾಗಿದೆ. ‘ಕೋರ್ಟ್‌ಟೆಕ್ಸ್’ ನಿರ್ಮಾಣದ ಹಿಂದೆ ಇದ್ದ ಮುನ್ಸೂಚನೆಗಳು ಹಾಗೂ ಈ ವೀಡಿಯೊದಲ್ಲಿ ಬಂದಿರೋ ರಹಸ್ಯಗಳು ಎಲ್ಲರಿಗು ತೀವ್ರ ಕುತೂಹಲ ಹುಟ್ಟಿಸುತ್ತಿವೆ.
