ಆಂಧ್ರಪ್ರದೇಶ: ಆಂಧ್ರಪ್ರದೇಶದ ಮಾಜಿ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ ಅವರು ಸೆಪ್ಟೆಂಬರ್ 28ರಂದು ತಿರುಮಲ ದರ್ಶನಕ್ಕೆ ತೆರಳುವ ಸಂದರ್ಭದಲ್ಲಿ, ಅವರ ಧರ್ಮ ಘೋಷಣೆ ಮಾಡಬೇಕು ಎಂಬ ಬೇಡಿಕೆ ತೀವ್ರಗೊಂಡಿದೆ. ಈ ವಿಷಯವನ್ನು ಭಾರಿ ವಿವಾದಕ್ಕೆ ಎಳೆದಿದ್ದು, ಭಾರತೀಯ ಜನತಾ ಪಕ್ಷದ (BJP) ಆಂಧ್ರಪ್ರದೇಶ ರಾಜ್ಯಾಧ್ಯಕ್ಷೆ ದಗ್ಗುಬಾಟಿ ಪುರಂದೇಶ್ವರಿ ಅವರು, “ಜಗನ್ ರೆಡ್ಡಿ ತಿರುಮಲ ಪ್ರವೇಶಿಸುವ ಮೊದಲು ಗರುಡ ಮೂರ್ತಿಯಲ್ಲೇ ಧರ್ಮ ಘೋಷಣೆ ಮಾಡಲಿ” ಎಂದು ಒತ್ತಾಯಿಸಿದ್ದಾರೆ.
ವಿವಾದದ ಮೂಲ:
ತಿರುಪತಿ ಲಡ್ಡು ತಯಾರಿಕೆಯಲ್ಲಿ ಪ್ರಾಣಿ ಕೊಬ್ಬು ಬಳಕೆ ಬಗ್ಗೆ ಹೇಳಿಕೆಗಳನ್ನು ಕೇಳಿದ ನಂತರ, ತಿರುಮಲ ದರ್ಶನಕ್ಕೆ ಹೊರಟಿರುವ ಜಗನ್ ಮೋಹನ್ ರೆಡ್ಡಿ ಅವರ ಧರ್ಮದ ಬಗ್ಗೆ ಪ್ರಶ್ನೆ ಏಳುತ್ತಿದೆ. Andhra Pradesh Revenue Endowments ನಿಯಮ 16 ಮತ್ತು TTD ನಿಯಮ 136 ಪ್ರಕಾರ, ಹಿಂದೂಗಳಲ್ಲದವರು ತಿರುಮಲ ದರ್ಶನಕ್ಕಿಂತ ಮೊದಲು ವೈಕುಂಠಂ ಸಾಲಿನಲ್ಲಿ ಧರ್ಮ ಘೋಷಣೆ ಸಲ್ಲಿಸಬೇಕಾಗಿದೆ.
ಬಿಜೆಪಿ ಮತ್ತು ಟಿಡಿಪಿ ಆರೋಪ:
ಬಿಜೆಪಿ, ಟಿಡಿಪಿ ಮತ್ತಿತರ ಪಕ್ಷಗಳು ಜಗನ್ ಮೋಹನ್ ರೆಡ್ಡಿ ಅವರ ದರ್ಶನದ ಬಗ್ಗೆ ತೀವ್ರ ಟೀಕೆಗಳನ್ನು ಮಾಡುತ್ತಿದ್ದು, “ಅವರು ಕ್ರೈಸ್ತ ಧರ್ಮದವರು” ಎಂಬ ಆರೋಪಗಳನ್ನು ಮಾಡಿವೆ. ಟಿಡಿಪಿ ಮುಖಂಡ ಕೊಮ್ಮರೇಡ್ಡಿ ಪಟ್ಟಾಭಿರಾಮ್ ಅವರು, “ಜಗನ್ ರೆಡ್ಡಿ ಧರ್ಮ ಘೋಷಣೆ ಮಾಡದೇ ದರ್ಶನ ಮಾಡುವುದು ಹಿಂದೂ ಸಂಪ್ರದಾಯಗಳ ವಿರುದ್ಧ” ಎಂಬುದಾಗಿ ಆರೋಪಿಸಿದರು.
ವೈಎಸ್ಆರ್‌ಸಿಪಿ ಪ್ರತಿಕ್ರಿಯೆ:
ಇದರ ವಿರುದ್ಧವಾಗಿ ವೈಎಸ್ಆರ್‌ಸಿಪಿ ಪಕ್ಷವು, “ಮಂದಿರದ ಪವಿತ್ರತೆಯನ್ನು ಕಾಪಾಡಲು ರಾಜ್ಯದ ಎಲ್ಲಾ ಭಕ್ತರು ಶನಿವಾರದಂದು ದೇವಸ್ಥಾನ ಪೂಜಾ ಕಾರ್ಯಗಳಲ್ಲಿ ಭಾಗವಹಿಸಲಿ” ಎಂದು ಕರೆ ನೀಡಿದೆ.
