ಬೇಲೇಕೇರಿ ಅಕ್ರಮ ಅದಿರು ಪ್ರಕರಣ: ಕಾಂಗ್ರೆಸ್ ಶಾಸಕ ಸತೀಶ್ ಕೃಷ್ಣ ಸೈಲ್ ಬಂಧನ..!

ಬೆಂಗಳೂರು: ಕರ್ನಾಟಕದಲ್ಲಿ ಚರ್ಚೆಯಾಗುತ್ತಿರುವ ಅಕ್ರಮ ಗಣಿಕಾರಿಕೆ ಹಗರಣದ ತನಿಖೆ ಪ್ರಮುಖ ಹಂತ ತಲುಪಿದ್ದು, ಸಿಬಿಐ ಅಧಿಕಾರಿಗಳು ಕಾರವಾರದ ಕಾಂಗ್ರೆಸ್ ಶಾಸಕ ಸತೀಶ್ ಕೃಷ್ಣ ಸೈಲ್ ಅವರನ್ನು ಬಂಧಿಸಿದ್ದಾರೆ. ಬೆಂಗಳೂರಿನ ಜನಪ್ರತಿನಿಧಿಗಳ ವಿಶೇಷ ನ್ಯಾಯಾಲಯವು ಸೈಲ್ ಸೇರಿದಂತೆ ಹಲವರನ್ನು ದೋಷಿಗಳೆಂದು ತೀರ್ಪು ನೀಡಿದ ಬೆನ್ನಲ್ಲೇ ಈ ಬಂಧನ ನಡೆದಿದೆ.

ಆರೋಪದ ಹಿನ್ನಲೆ:

ಕರ್ನಾಟಕದ ದೊಡ್ಡ ಅಕ್ರಮ ಗಣಿಕಾರಿಕೆ ಹಗರಣಗಳಲ್ಲಿ ಒಂದಾದ ಈ ಪ್ರಕರಣದಲ್ಲಿ, ಶ್ರೀ ಮಲ್ಲಿಕಾರ್ಜುನ ಶಿಪ್ಪಿಂಗ್ ಪ್ರೈವೇಟ್ ಲಿಮಿಟೆಡ್ ನ ವ್ಯವಸ್ಥಾಪಕ ನಿರ್ದೇಶಕರಾಗಿರುವ ಸತೀಶ್ ಸೇಲ್, ಅವರ ಸಹಚರರು ವಿವಿಧ ಆರೋಪಗಳನ್ನು ಎದುರಿಸುತ್ತಿದ್ದಾರೆ. 2010ರಲ್ಲಿ ಲೋಕಾಯುಕ್ತರು ನಡೆಸಿದ ತನಿಖೆಯಲ್ಲಿ, 2006ರಿಂದ 2011ರ ಅವಧಿಯಲ್ಲಿ 7.74 ಮಿಲಿಯನ್ ಟನ್ ಲೋಹವನ್ನು ರಾಜಕೀಯ ಪ್ರಭಾವವನ್ನು ಬಳಸಿ ಬೇಲೆಕೇರಿ ಮತ್ತು ಕಾರವಾರ ಬಂದರುಗಳಿಂದ ಅಕ್ರಮವಾಗಿ ರಫ್ತು ಮಾಡಿರುವುದು ಬೆಳಕಿಗೆ ಬಂದಿತ್ತು. ಇದರಿಂದ ರಾಜ್ಯದ ಆರ್ಥಿಕ ಭಂಡಾರಕ್ಕೆ ₹60,000 ಕೋಟಿಗಳಷ್ಟು ನಷ್ಟ ಉಂಟಾಗಿರುವುದಾಗಿ ವರದಿಯಾಗಿದೆ.

ಸೈಲ್ ಅವರ ಕಂಪನಿಯು ಸುಮಾರು 11,000 ಮೆಟ್ರಿಕ್ ಟನ್ ಲೋಹದ ಅದಿರನ್ನು ಕಾನೂನುಬಾಹಿರವಾಗಿ ಸಾಗಣೆ ಮಾಡಿದ್ದು, ಇದರಲ್ಲಿ ನಿವೃತ್ತ ಅರಣ್ಯಾಧಿಕಾರಿ ಮಹೇಶ್ ಬಿಳಿಯೆ ಸೇರಿ ಇತರ ಉನ್ನತ ಮಟ್ಟದ ವ್ಯಕ್ತಿಗಳ ಹೆಸರುಗಳನ್ನು ಸಹ ಒಳಗೊಂಡಿತ್ತು. ಸಿಬಿಐ ಪಟ್ಟಿ ಮಾಡಿದ ಆರೋಪಗಳಲ್ಲಿ ಅಪರಾಧ ಸಂಚು, ಮೋಸ, ನಕಲಿ ದಾಖಲಾತಿ ತಯಾರಿಕೆ ಮತ್ತು ಲಂಚ ನಿಷೇಧ ಕಾಯ್ದೆಯ ಉಲ್ಲಂಘನೆ ಸೇರಿವೆ.

ನ್ಯಾಯಾಲಯದ ತೀರ್ಪು ಮತ್ತು ತಕ್ಷಣದ ಬಂಧನ

ನ್ಯಾಯಾಧೀಶ ಸಂತೋಷ್ ಗಜಾನನ್ ಭಟ್ ಅವರು ಸೈಲ್ ಹಾಗೂ ಸಹಾಯಕರಿಗೆ ಅಪರಾಧ ಸಂಚು, ಕದಿಯುವಿಕೆ ಮತ್ತು ಮೋಸದ ಆರೋಪಗಳಲ್ಲಿ ಅಪರಾಧಿಗಳು ಎಂದು ತೀರ್ಪು ನೀಡಿದರು. ಹೀಗಾಗಿ ಸೈಲ್ ಅವರೊಂದಿಗೆ ನಿವೃತ್ತ ಅರಣ್ಯಾಧಿಕಾರಿ ಮಹೇಶ್ ಬಿಳಿಯೆ ಮತ್ತು ಆರು ಜನರನ್ನೂ ನ್ಯಾಯಾಂಗ ಬಂಧನಕ್ಕೆ ತೆಗೆದುಕೊಂಡು ಬೆಂಗಳೂರಿನ ಕೇಂದ್ರ ಕಾರಾಗೃಹಕ್ಕೆ ಕಳುಹಿಸಲಾಗಿದೆ. ಅ.25ರಂದು ಶಿಕ್ಷೆಯ ಕುರಿತ ತೀರ್ಪು ನಿರ್ಧಾರವಾಗಲಿದೆ.

ರಾಜಕೀಯದ ಮೇಲೆ ಪರಿಣಾಮ:

ಸೈಲ್ ಅವರ ಬಂಧನ ಕರ್ನಾಟಕದ ರಾಜಕೀಯದಲ್ಲಿ ಭಾರೀ ಕೋಲಾಹಲ ಎಬ್ಬಿಸಿದೆ. ಈ ಪ್ರಕರಣವು ಹಿಂದೆ ಯಡ್ಡಿಯೂರಪ್ಪನವರ ಸರ್ಕಾರಕ್ಕೆ ದೊಡ್ಡ ಅಘಾತ ಉಂಟುಮಾಡಿದ್ದು, ರೆಡ್ಡಿ ಸಹೋದರರಂತಹ ದೊಡ್ಡ ಮುಖಂಡರ ಹೆಸರುಗಳಿಗೆ ದಕ್ಕೆ ತಂದಿತ್ತು. ದಶಕಗಳ ಹಿಂದೆ ಆರಂಭವಾದ ಈ ಪ್ರಕರಣದಲ್ಲಿ ಮೊದಲ ಬಾರಿ ಬಂಧನ ಮತ್ತು ತೀರ್ಪು ಬಂದಿದ್ದು, ಅಕ್ರಮ ಗಣಿಕಾರಿಕೆ ನೆಲೆಸಿರುವ ರಾಜ್ಯ ರಾಜಕಾರಣದಲ್ಲಿ ಸಂಚಲನ ಮೂಡಿಸಿದೆ.

ಹೆಚ್ಚುವರಿ ಆರೋಪಿಗಳು ಮತ್ತು ಸಂಸ್ಥೆಗಳು:

ಸೈಲ್ ಅವರೊಂದಿಗೆ ಅಶಾಪೂರಾ ಮೈನೇಚೆಮ್ ಲಿಮಿಟೆಡ್‌ನ ಚೇತನ್ ಶಾ, ಸ್ವಸ್ತಿಕ್ ಸ್ಟೀಲ್ಸ್ ಪ್ರೈವೇಟ್ ಲಿಮಿಟೆಡ್‌ನ ಸ್ವಸ್ತಿಕ್ ನಾಗರಾಜ್ ಮತ್ತು ಕೆ.ವಿ.ಎನ್. ಗೋವಿಂದರಾಜ್ ಹಾಗೂ ಲಾಲ್ ಮಹಲ್ ಲಿಮಿಟೆಡ್‌ನ ಪ್ರೇಮ್ ಚಂದ್ ಗಾರ್ಗ್ ಅವರೂ ಅಪರಾಧಿಗಳೆಂದು ತೀರ್ಪು ಕೇಳಿ ಬಂದಿದೆ. ಈ ಸಂಸ್ಥೆಗಳೂ ಅಕ್ರಮವಾಗಿ ಅದಿರು ಸಾಗಣೆ ಮಾಡಿದ್ದು ಸಾಬೀತಾಗಿದೆ.

ಈ ಪ್ರಕರಣದ ಅಂತಿಮ ತೀರ್ಪು ಅ.25ರಂದು ನಿರೀಕ್ಷಿಸಲಾಗಿದ್ದು, ಕರ್ನಾಟಕದ ಜನತೆ ಮತ್ತು ಕಾನೂನಿನ ಪ್ರಕಾರದ ಈ ತೀರ್ಪುನ್ನು ಎದುರು ನೋಡುತ್ತಿದ್ದಾರೆ.